نڤیسینگەها راگەهاندنا زانكۆیێ، 24ـی ئادارا 2026 | زانكۆیا دهۆك (UOD) داخوازێ ژ قوتابیێن خۆ یێن قۆناغێن بەكالۆریۆس، ماستەر و دكتۆرایێ دكەت كو پێشكێشی بەرنامێ ئیراسمۆس+ یێ ئالۆگۆڕكرنا ناڤدەولەتی (KA171) ل زانكۆیا ساپێنزا ل رۆما، ئیتالیا بكەن. ئەڤ دەلیڤەیە بۆ وەرزێ ئێكێ ژ سالا خواندنێ 2026–2027 یا بەردەستە، و دەرفەتێ ددەتە قوتابیێن دهێنە هەلبژارتن كو پشكەك ژ خواندنا خۆ د ژینگەهەكا ئەكادیمی یا ناڤدەولەتی دا تەمام بكەن.

هویریێن بەرنامەی
ماوەیێ ئالۆگۆڕكرنێ دێ ل مەها ئیلۆنا 2026 دەستپێكەت و تا دوماهیا شواتا 2027 بەردەوام بیت، و تاقیكرن ب گشتی ل مەهێن كانوونا دووێ و شواتێ دهێنە ئەنجامدان. قوتابی دێ پشكداریێ د بابەتێن خواندنێ یان ڤەكۆلینێن گونجایی ل گەل بەرنامەیێن خۆ یێن ئەكادیمی كەن، هەروەسا دێ مفا ژ شێوازێن وانەگۆتن و فێربوونا ناڤدەولەتی وەرگرن.

مەرجێن وەرگرتنێ
پێدڤیە پێشكێشكار بسپۆریا خۆ د زمانێ ئینگلیزی دا ب كێمی ڤە ل ئاستێ (B2) بسەلمینیت.
بەلگەیێن پەسەندكری ئەڤەنە:

• باوەرنامەیێن ناڤدەولەتی وەكو TOEFL، IELTS، یان Cambridge English.
• باوەرنامەیا شارەزاییێ یا كو ژ لایێ سەنتەرێ زمانان یێ زانكۆیێ ڤە هاتیە دەرئێخستن.

بەلگەنامەیێن پێدڤی
بۆ پێشكێشكارێن بەكالۆریۆس و ماستەرێ:

• سیڤی (CV).
• كۆپیەكا پاسپۆرتێ.
• نامەیا هاندانێ (Motivation letter).
• تۆمارا نمرەیان (Transcript of records).
• رێككەڤنا فێربوونێ (Learning Agreement) كو بابەتێن هەلبژارتی یان بابەتی ڤەكۆلینێ دیار دكەت.
• نامەیا وەرگرتنێ ژ لایێ پرۆفیسۆرەكی ل زانكۆیا ساپێنزا ل رۆما (بۆ ڤەكۆلینێن گرێدایی نامەیا دەرچوونێ یا پێدڤیە).

بۆ پێشكێشكارێن دكتۆرایێ:

• سیڤی (CV).
• كۆپیەكا پاسپۆرتێ.
• دەستنیشانكرنا زەلال یا بەرنامێ دكتۆرایێ یێ مەبەست پێ كری.
• نامەیا هاندانێ و پرۆپۆزەلێ ڤەكۆلینێ یێ تێروتەسەل.
• لیستەیا بەلاڤۆكان (Publications).
• نامەیا پشتەڤانییا ئەكادیمی.
• نامەیا وەرگرتنێ ژ لایێ پرۆفیسۆرەكێ سەرپەرشت ل زانكۆیا ساپێنزا.

پێزانینێن گرنگ
ئامۆژگاری ل هەمی پێشكێشكاران دهێتە كرن كو د ئامادەكرنا بەلگەنامەیێن خۆ دا د هویربین بن، ژبەركو پێشكێشكرن دێ ژ لایێ كادرێ ئەكادیمی یێ زانكۆیا ساپێنزا ڤە هێنە هەلسەنگاندن. فۆرمێن ناتەمام ناهێنە وەرگرتن.

چەوانیا پێشكێشكرنێ
پێدڤیە داخوازنامە ب رێكا ڤی فۆرما ئۆنلاین یێ ل خوارێ بهێنە پێشكێشكرن:
https://forms.gle/ta8Wr6ywzWLgMK346
پێشكێشكار دشێن بەرنامەیێن ب زمانێ ئینگلیزی ل زانكۆیا ساپێنزا ب رێكا ڤی لینكی ببینن:
https://corsidilaurea.uniroma1.it/en

دوماهی ژڤان بۆ پێشکێشکرنێ:7ـی نیسانێ 2026

ب رێكا ڤی بەرنامەی، زانكۆیا دهۆك بەردەوامە ل سەر ب هێزكرنا پێگیرییا خۆ ب پێشكەڤتنا ئەكادیمی، پەیوەندیێن ناڤدەولەتی و ئامادەكرنا قوتابیان بۆ كارێن هەڤڕكیێن جیهانی.
نڤیسینگەها راگەهاندنا زانكۆیێ، 24ـی ئادارا 2026