زانکۆیا دهۆک دێ کۆنفرانسێ زانستی یێ دووێ ل دۆر پارەدانا ئەلیکترۆنی و گشتگیركرنا دارایی ئەنجامدەت
١٨ـی خزیرانا ٢٠٢٥ـێ، نڤیسینگەها راگەهاندنا زانکۆیێ (UNPO) |ل ژێر چاڤدێریا سەرۆکێ زانکۆیا دهۆک، د. داود سلێمان ئەتروشی، ب سپۆنسەریا بانکا ناڤەندی یا عیراقێ، و ب رێڤەبرنا راگرێ کۆلیژا کارگێڕی و ئابووری، د. بەسام ئەحمەد عەبدوللا، کۆلیژا کارگێڕی و ئابووری ل زانکۆیا دهۆک ب خۆشحالی ڤە کۆنفرانسێ خۆ ی دووێ یێ زانستی رادگەهینیت، کو دێ ل ژێر ڤی ناڤونیشانی هێتە برێڤەبرن:"بەرەڤ ژینگەهەکا بەلێندەر و دومدار ب رێكا كاراكرن و پەیروەكرنا پارەدانا ئەلیکترۆنی و بهیزكرنا گشتگیركرنا دارایی"📅 رێکەڤت: ٢٢-٢٣ـی چریا ئێکێ، ٢٠٢٥ 📩 دوماهیك ژڤان بۆ هنارتنا پوختەیێن ڤەكۆلینان: ١٠ـی تیرمەهێ، ٢٠٢٥
- راگەهاندنا پەسەندكرنا پوختەیان: ٢٠ـی تیرمەهێ
- دوماهیک ژڤان بۆ هنارتنا ڤەکۆلینین تەمام: ٢٠ـی تەباخێ
- دوماهیک ژڤان بۆ هنارتنا ڤەکۆلینین تەمام پشتی راستڤەکرنێن زانستی وشێوەیی: ٢٠ـی ئیلۆنێ
- دوماهیک ژڤان بۆ پشتراستکرنا خۆتۆمارکرنێ و پشکداریکرنی ل کۆنفرانسی: ١٠ـی چریا ئێکێ 📍 جهـ: سەنتەرێ کۆنفرانسان، زانکۆیا دهۆک
ئەڤ هەلكەڤتا ئەکادیمی پێنگاڤەکا گرنگە د پشتەڤانیا پەرەپێدانا دارایی و ئابووری یا عیراقێ دا ب شرۆڤەکرنا بابەتێن سەرەکی یێن زانستێن دارایی، کارگێڕیا کار، ئابووری، ئامار، زانیاری، و ژمێریاریێ. کۆنفرانس دێ پلاتفۆرمەک بیت بۆ ڤەکۆلەر، ئەکادیمی، و پیشەوەرێن پیشەسازیێ دا کو ڤەکۆلینان پێشکێش بکەن، و هەڤپەیمانیان دروست بکەن یێن کو پشتراستیا دارایی و داهێنانێ پێشڤەدبەن.🔹 بۆ پرسیاران و پشكداریێ: 📧 ئیمەیل: [email protected]📱 تەلەفۆن: ٠٧٥١٧١٢٧١٧٥ - ٠٧٧٦١٧١٢٧٢٧بۆ پتر پێزانیان: ڤێرە کلیک بکەدگەل مە پشکداربن د داڕێژتنا پاشەرۆژا دومداریا دارایی و ڤەگۆهاستنا دیجیتالی دا ل عیراقێ دا.نڤیسینگەها راگەهاندنا زانکۆیێ، ١٨ـی خزیرانا ٢٠٢٥ـێ