٣ـی چریا دووێ، ٢٠٢٥، نڤیسینگەها ڕاگەهاندنا زانکویێ (UNPO) –
زانکۆیا دهۆک (UOD) دەرچوویین پۆلا ١٢ـێ ئاگەهداردكەت کو پێشکێشکرن بۆ بەرنامێ هەڤبەشێ بەکالۆریۆسا د پلاندانانا جهەکی دا یا ڤەکریە ب رێیا سەرەدانا کۆلیژا پلانسازیا شار و هەریمان ل زانکۆیا دهۆک، ئەڤ بەرنامە ب هەماهەنگی دگەل زانکویا TU Dortmund (ئەلمانیا) دهێتە پێشکێشکرن.

ئەڤ بەرنامێ ناڤدەولەتی کو ل سالا ٢٠١٢ هاتیە دامەزراندن، دەلیڤەکا زێرین بۆ قوتابیان پەیدا دکەت ژبۆ بدەستڤەئینانا زانینێن پێشکەڤتی و شارەزاییا کرداری د بوارێن پلاندانانا شاران، هەرێمی، ژینگەهی و جهەکی دا. ماموستایێن زانکویا TU Dortmund پشکداریێ د وانەگۆتن، سەرپەرشتی و گەشەپێدانا پرۆگرامێ خواندنێ دا دکەن، و پشتڕاست دکەنن کو دەرچووی دێ شێن گەهنە ستانداردێن ئەکادیمی و پیشەیی یێن ناڤدەولەتی.

تایبەتمەندیێن بەرنامەی:

• ماوێ خواندنێ: ٥ سال (دگەل ١ سالا ئامادەکاری ب زمانێ ئینگلیزی).
  • قوتابیێن کو نمرەیا ٧٠ د TOEFL iBT دا یان هەڤبەرێ وێ هەبیت، دشێن ژ سالا ئینگلیزی دەرباز ببن.
• پرۆگرامێ خواندنێ: ل دویڤ پرۆسەیا بۆلۆنیا - ٢٤ مۆدیول (٢٤٠ ECTS).
• کۆرسێ هاڤینێ ل ئەلمانیا: ٤-٦ هەفتیێن خواندنێ دەربارەی "سیستەمێ پلاندانانێ ل ئەلمانیا".
• باوەرناما هەڤبەش: ژ لایێ زانکۆیا دهۆک و زانکۆیا TU Dortmund ڤە دهێتە دان.

چەوانیا پێشکێشکرنێ:

قوتابی دشێن راستەوخۆ سەرەدانا کۆلیژا پلانسازیا شار و هەرێمان ل زانکویا دهۆک بکەن ژبۆ پێشکێشکرنی و وەرگرتنا فۆرمێن داخوازکرنێ و پێزانینێن زێدەتر.

کرێیا خواندنێ و داشکاندن:

• کرێیا خواندنێ: ٢٨٠٠ دۆلارێن ئەمریکی بۆ هەر سالەکێ (سالا ٥ـێ بێ بەرامبەرە).
• داشکاندن:
  • ٢٥٪ داشکاندن بۆ قوتابیێن کو نمرەیا گشتی یا پۆلا ١٢ـێ ٨٠٪ یان زێدەتر بیت.
  • ١٥٪ داشکاندن بۆ قوتابیێن کو نمرەیا گشتی یا پۆلا ١٢ـێ دناڤبەرا ٧٥٪ و ٨٠٪ دا بیت.

مەرجێن وەرگرتنێ:

• نمرەیا گشتی یا پۆلا ١٢ـێ کێمتر نەبیت ژ ٧٠٪.
• کۆژمێ نمرەیێن زمانێ ئینگلیزی + بیرکاری کێمتر نەبیت ژ ١٤٠.