ل٨-٢-٢٠٢١ ب ئامادەبوونا پرۆفیسۆر.د. مصلح دھۆكی سەرۆكێ زانكۆیا دھۆك و د.مزگین محمد حسن راگرێ كولیژا زانستێن مرۆڤایەتی و ماموستا و قوتابی و كەس و كارێن وەغەركریان، رێ و رەسمێن سالڤەگەرا  وەغەركرنا د.مستەفا ئەحمەد محەمەد و چل رۆژیا وەغەركرنا د. مەحموود شێخ سین حسو ل ھۆلا كۆنفرانسان  ژلایێ كۆلیژا زانستێن مرۆڤایەتی پشكا مێژوویێ ڤە ھاتە ساخكرن.
 ل دەستپێكێ چەند ئایەتێن قورئانا پیرۆز ھاتن خواندن و دویڤدا پەیڤا سەرۆكێ لژنا رێ رەسمێن ڤێ بیرەوەریێ ژلایێ دكتور ھوزان سلێمان ڤە ھاتە خواندن و ھەر وەسا پەیڤا سەرۆكێ زانكۆیێ ھاتە گوتن و  ھەر دڤێ رێ و رەسمێدا پەیڤا قوتابیێن مێژۆیێ ژی ھاتە خواندن.
پرۆفیسۆر.د. مصلح دھۆكی سەرۆكێ زانكۆیا دھۆك گوت "د. مسته‌فا ئه‌حمه‌د، و د. مه‌حمود شێخ سین یێن ژ ناڤ مه‌ وه‌غه‌ر كرین، كو هه‌ردوویان هه‌مى شیانێن خۆ ته‌رخان كربوون ژ بۆ خزمه‌تا زانست و مێژوویێ، و داكو كاروانێ زانینێ نه‌هێته‌ راوه‌ستاندن ، گێرانا ڤان جۆره‌ ماته‌مینیا مه‌به‌ست ژێ ئه‌وه‌ ئه‌و كارێ وان بۆ زانكۆیێ كرى زانكۆ چ جاران ژبیر ناكه‌ت، نه‌ بتنێ ئه‌ڤ هه‌ردوو مامۆستایه‌ به‌لكو هه‌ر كه‌سێ رۆژه‌كى ژى كاره‌ك بۆ زانكۆیێ كربیت و شین تبلێن خۆ ل پاش خۆ هێلابن زانكۆ ب سه‌ر بلندى ڤه‌ یادا وان ل بیر دئینیت".
دیسان فلمەكێ دیكیومێنتی لدور ژیاننامەیا ھەردوو وەغەركریان ھاتە نمایشكرن ژ ئامادەكرنا د. نیبار بەدیع ب ھەڤكاری دگەل دھوك تیڤی ھاتبوو بەرھەمئینان.
دویڤدا پەیڤا ھەردوو مالباتان ھاتن خواندن و دوو كەڤالێن ھونەری، وێنێ ھەردوو وەغەركریان ژلایێ پشكا ھونەرێن شێوەكاری ب دەستێن قوتابی ھاشم میكائیل و دلدار خدیدە ھاتبوونە چێكرن و كرنە دیاری بۆ مالباتێن وان.