دەربارەی مە
پرۆسەیا بولۆنیا چییە؟
پرۆسەیا بولۆنیا پرۆسەیەکا پێشڤەبرنێ یە د خواندنا بلند دا کو نوکە ژ لایێ ٤٩ وەڵاتێن ئەورۆپی ڤە هاتییە وەرگرتن. ئارمانجا وێ یا سەرەکی ئاسانکاریکرنە بۆ گواستنا قوتابی و فەرمانبەران، و بلندکرنا کوالیتى و نیاسینا سیستەمێ خواندنا بلند ب شێوەیەکێ گشتی.
هەمی ئەو وەڵاتێن پشکدار تێدا، ل سەر ڤان خالان رێککەفتینە:
- پەیڕەوکرنا سیستەمێ سێ قوناغی یێ باوەرنامان (بکالۆریۆس، ماستەر، و دکتۆرا).
- وەرگرتنا سیستەمێ گواستن و کۆمکرنا یەکەیێن ئەورۆپی (ECTS) دا کو ئاسانتر بیت بۆ نیاسینا ئاستێن زانستی و ماوێن خواندنێ ل دەرڤەی وەڵاتی.
- وەرگرتنا پیوەر و رێنمایێن دلنیاییا جۆری د دەڤەرا خواندنا بلند یا ئەورۆپی دا (ESG) بۆ ب هێزکرنا کوالیتى و گرنگیا فێربوون و وانەگۆتنێ.
بۆچی پرۆسەیا بولۆنیا گرنگە؟
پرۆسەیا بولۆنیا کلیلا ئاڤاکرنا وێ باوەریێ یە یا کو پێدڤی بۆ سەرکەفتنا ڤەگوهاستنا فێربوونێ، هەماهەنگییا ئەکادیمی یا نێڤدەولەتی، و نیاسینا دوولایەنە بۆ ماوێن خواندنێ و ئەو باوەرنامێن ل دەرڤەی وەڵاتی دهێنە وەرگرتن. هەروەسا، بلندکرنا کوالیتى و گرنگیا فێربوون و وانەگۆتنێ ئەرکەکێ سەرەکی یێ پرۆسەیا بولۆنیایە.