پلاتفۆرما راهێنانێ یا ئۆنلاین و مۆکا (MOOC) پڕۆژێ APPRAIS

گەهشتن ب مۆکا پڕۆژێ APPRAIS

چاڵاکیێن ئاڤاکرنا شیانان د پڕۆژێ APPRAISدا، پشتی خولا راهێنانا ئامادەبوونا فیزیکی، کۆرسەکێ ئۆنلاین یێ ڤەکری یێ مەزن (MOOC) بخۆڤە دگریت. مۆکا APPRAIS پشکەکا پێسازیا ب هێزکرنا زانکۆیێن کوردستانێ یە بۆ بجهئینانا پرۆسا بۆلۆنیا و دانانا بنگەهەکی بۆ دیارکرنا پلانێن ستراتیجیێن سازیێن وان.

ئەڤ کۆرسە ژ شەش مۆدیۆلان پێکهاتیە، کو بوارێن جودا یێن گرێدایی ب حوکمڕانی، دیزاینکرنا پرۆگرامێن خواندنێ (دەرئەنجامێن فێربوونێ، بارێ کارێ قوتابی، و سیستمێ گوهۆڕینا یەکەیێن خواندنا ئەورۆپی ECTS)، ناساندنا یەکەیان، لێڤەگەڕیانا فێربوونێ، و پشتراستکرنا جۆریێ یا ناڤخۆیی و ژدەرڤە دکۆلیت. هەمی هەڤپشکێن ئەورۆپی، ل ژێر سەرپەرشتیا گشتی یا هەماهەنگکارێ WP4 (زانکۆیا مۆرسیا) و هەڤسەرۆکاتیا (زانکۆیا زاخۆ)، پشکداریێ د مۆکێ دا دکەن ب رێکا بەلاڤکرنا ئەزموون و کارێن خۆ یێن باش، دا کو دیتنەکا گشتی ل سەر پرەنسيپێن پرۆسا بۆلۆنیا وەکى ل زانکۆیێن وان هاتیە بجهئینان پێشکێش بکەن.

پشتی قۆناغا تاقیكرنێ ب پشکداریا زانکۆیێن هەڤپشک ل کوردستانێ و فەرمانبەرێن وەزارەتێ، دێ کۆرس ب شێواز و پلاتفۆرمێن جودا بۆ فێربوویان ڤەکری بیت. ئەڤ مۆکە كاریگەریا راهێنانێ زێدە دکەت، و وەک ئامرازەکێ وانەگۆتنێ بۆ راهێنانێن ناڤخۆیی یێن ستافێ ئەکادیمی و کارگێڕی ل زانکۆیێن هەڤپشک دێ هێتە بکارئینان، هەروەسا ژێدەرەکێ راهێنانێ یە بۆ ئەندامێن دی یێن ستافی ل سازیێن خواندنا بلند یێن کوردستانێ ئەندام نینن د "کۆنسۆرتیۆم"ێ دا.

کەرهەستێن مۆکێ ب زمانێ ئینگلیزی بەردەستن، و بۆ راهێنانا ناڤخۆیی، هندەک ژ ژێدەرێن راهێنانێ ب زمانێ کوردی ژی بەردەستن.

تەخا ئارمانجکری

ئەڤ مۆکە ل دەستپێکێ بۆ ستافێ ئەکادیمی و کارگێڕی یێ زانکۆیێن کوردستانێ یێن هەڤپشک د پڕۆژەی دا هاتیە دیزاینکرن، ب تایبەتی ئەوێن د بوارێ حوکمڕانی و بجهئینانا پرۆسا بۆلۆنیا دا کار دکەن. پشکدارێن مۆکێ ژ لایێ هەڤپشکان ڤە ئەڤەنە:

رێکا واندانێ و پێشکێشکرنا کۆرسی

راهێنانا تەمام ژ مەها ١٢ یا سالا ٢٠٢٢ (پێشەکیا گشتی یا مۆکێ) هەتا مەها ٣ یا سالا ٢٠٢٣ هاتە پێشکێشکرن. مۆک بۆ ماوێ ١٠ هەفتیان هاتیە دیزاینکرن: ١٥ دەمژمێرێن فێربوونا هەڤدەم (Synchronous) و ٦٠ دەمژمێرێن فێربوونا خودی (Self-learning). راهێنانا ئۆنلاین ل سەر پلاتفۆرما راهێنانێ یا UNIMED هاتە ئەنجامدان کو ل ڤێرێ بەردەستە.

مۆک ب چەند قۆناغێن لدویڤ ئێک هاتە پێشکێشکرن. بۆ زانیاریێن زێدەتر ل سەر چەوانیا پێشکێشکرنا کۆرسی،تکایە ل ڤێرێ ببینە. هەر مۆدیۆلەک ب مێثۆدەکا تێکەل (Blended) هاتیە دیزاینکرن، کو ژ وانەیێن هەڤدەم و ژێدەرێن فێربوونا خودی پێکدهێت. مۆک ئەڤان چالاکیان بخۆڤە دگریت:

• بخێرهاتن و نیشاندانا مۆکێ ب شێوێ ئۆنلاین.
• وانەیێن هەڤدەم: خولەکا وێبینارێن راهێنانێ (هەفتیێ جارەکێ).
• کەرهەستێن تەمامکەر (چالاکی، خواندن، ڤیدیۆ، لینکێن لاپەرێن وێبێ، و هتد).
• هەڤپەیڤینێن ئۆنلاین.
• هەلسەنگاندن.

دەرئەنجامێن فێربوونێ

ئارمانجا گشتی یا مۆکا APPRAIS دابینکرنا مۆدیۆلێن راهێنانێ یە ل سەر بابەتێن هەلبژارتی یێن گرێدایی ب پێناسەکرن و بجهئینانا پرۆسا بۆلۆنیا، ب وەرگرتنا نموونان ژ زانکۆیێن ئەورۆپی بۆ بجهئینانا گوهۆڕینان د زانکۆیێن کوردستانێ دا. ب شێوەیەکێ تایبەت، پشتی ب دوماهی هاتنا مۆکێ، ئەندامێن ستافێ کوردستانێ دێ شێن:

• رێکارێن حوکمڕانیێ ل زانکۆیێن ئێکەتیا ئەورۆپا بنیاسن.
• بزانن کا دێ چەوا پلاندانانا ستراتیجی ل سەر ئاستێ زانکۆیێ ئەنجام دەن.
• بزانن کا پرۆسا بۆلۆنیا چەوا (یان دشێت) د زانکۆیان دا بهێتە بجهئینان.
• چوارچۆڤێ باوەرنامێن ئەورۆپی دیار بکەن و سیستمێ ECTS بکاربینن.
• دەرئەنجامێن فێربوونێ یێن پرۆگرامێن خواندنێ وەسف بکەن.
• بەرەڤ بجهئینانا پشتراستکرنا جۆریێ یا ناڤخۆیی و ژدەرڤە بچن.
• لێڤەگەڕیانا فێربوونێ بجهبینن و رێکارێن پێشئێخستنا نێڤدەولەتیبوونا زانکۆیێ دیزاین بکەن.