کۆڕبەندێ ئەرکێ سێیێ یێ زانکۆیا دهۆک و کارتێکرنا جڤاکی، ٢٠٢٤

زانکۆیا دهۆک ل ساڵا ١٩٩٢ێ وەک یەکەم زانکۆ ل پارێزگەها دهۆکێ هاتە دامەزراندن. وەک ئەرکێ خۆ یێ یەکەم، زانکۆیا دهۆک ژ وی دەمی وەرە ب هزاران قوتابی د ئاستێن بەکالۆریۆس و خواندنا بلند (ماستەر و دکتۆرا) دا پێگەیاندینە و دەرچواندینە. ڤەکۆلینێن زانستی ئەرکێ دووێ یێ گرنگ یێ زانکۆیا دهۆکێ یە. ب هەستکرن ب ڤێ بەرپرسیاریا هەستیار و بۆ ب هێزکرنا رۆڵ و کارتێکرنا خۆ د ناڤ جڤاکی دا، زانکۆیا دهۆک دووه‌مین کۆڕبەندێ خۆ (کۆڕبەندێ ئەرکێ سێیێ یێ زانکۆیا دهۆک و کارتێکرنا جڤاکی، ٢٠٢٤) ڕێکدەخەت. ئەڤ کۆڕبەندە دێ دیدەه و ڕوانگەها زانکۆیا دهۆکێ نیشانی شەریکێن مە (لایەنێن پەیوەندیدار) د کەرتی گشتی و تایبەت دا، دگەل حکومەتا خۆجهی و جڤاکی دەت.

ئارمانجێن سەرەکی یێن ڤی کۆڕبەندی ئەڤەنە:

◉ ب هێزکرنا دیالۆگ و کارلێککرنێ د ناڤبەرا زانکۆ، کەرتێ پیشەسازی و جڤاکی دا.

◉ ئاسانکاریکرنا دەرفەتێن ڕاهێنانا پراکتیکی (Internship) بۆ قوتابیێن مە.

◉ وەرگرتنا فیدباک و پێشنیاران ژ خاوەنکاران دەربارەی شارەزایی و شیانێن دەرچوویێن مە، دا کو د پرۆسەیا پەرەپێدانا پڕۆگرامێن خواندنێ دا بهێنە بکارئینان.

◉ هاندانا خاوەنکاران بۆ بەرسڤدانا ئەو راپرسیێن (Surveys) ژ لایێ لیستێن جیهانی یێن ناڤدار یێن ڕیزبەندیا زانکۆیان ڤە دهێنە کرن، وەک ڕیزبەندیا (Times Higher Education - THE) و (QS). ئەڤ چەندە دێ هاریکاریا زانکۆیا دهۆکێ کەت بۆ باشترکرنا خزمەتگوزاریێن خۆ و ب ڤێ چەندێ ژی دێ ڕیزبەندیەکا باشتر د ڤان لیستان دا ب دەست ڤە ئینیت.