Symposium
کۆڕبەندێ ئەرکێ سێیێ یێ زانکۆیا دهۆک و کارتێکرنا جڤاکی، ٢٠٢٣
زانکۆیا دهۆک ل ساڵا ١٩٩٢ێ وەک یەکەم زانکۆ ل پارێزگەها دهۆکێ هاتە دامەزراندن. وەک ئەرکێ خۆ یێ یەکەم، زانکۆیا دهۆک ژ وی دەمی وەرە ب هزاران قوتابی د ئاستێن بەکالۆریۆس و خواندنا بلند (ماستەر و دکتۆرا) دا پێگەیاندینە و دەرچواندینە. ڤەکۆلینێن زانستی ئەرکێ دووێ یێ گرنگ یێ زانکۆیا دهۆکێ یە. ب هەستکرن ب ڤێ بەرپرسیاریا هەستیار و بۆ ب هێزکرنا رۆڵ و کارتێکرنا خۆ د ناڤ جڤاکی دا، زانکۆیا دهۆک یەکەمین کۆڕبەندێ خۆ (کۆڕبەندێ ئەرکێ سێیێ یێ زانکۆیا دهۆک و کارتێکرنا جڤاکی، ٢٠٢٣) ڕێکدەخەت. ئەڤ کۆڕبەندە دێ دیدەه و ڕوانگەها زانکۆیا دهۆکێ نیشانی خاوەنکاران د کەرتی گشتی و تایبەت دا، دگەل حکومەتا خۆجهی و جڤاکی دەت.
ئارمانجێن سەرەکی یێن ڤی کۆڕبەندی ئەڤەنە:
◉ ئاسانکاریکرنا دەرفەتێن ڕاهێنانا پراکتیکی (Internship) بۆ قوتابیێن مە.
◉ وەرگرتنا فیدباک و پێشنیاران ژ خاوەنکاران دەربارەی شارەزایی و شیانێن دەرچوویێن مە، دا کو د پرۆسەیا پەرەپێدانا پڕۆگرامێن خواندنێ دا بهێنە بکارئینان.
◉ کا چاوا خاوەنکار دشێن هاریکاریا زانکۆیا دهۆکێ بکەن بۆ باشترکرنا ڕیزبەندیا وێ د لیستێن جیهانی یێن ناڤدار دا وەک ڕیزبەندیا (Times Higher Education - THE) و (QS).
◉ ئەڤە دێ بیتە دەرفەتەک بۆ ب هێزکرنا دیالۆگ و کارلێککرنێ د ناڤبەرا زانکۆ، کەرتێ پیشەسازی و جڤاکی دا.
زانیاریێن پێوەندیکرنێ
📞0750 719 6651
تۆمارکرن
بۆ تۆمارکرنێ، کلیکێ ل سەر دوگمەیا (تۆمارکرن) بکە، یان کۆدا QR یا ل خوارێ سڕەشێن (Scan بکە):
