دەربارەى مە

زانکویا دھوکێ رادبیت ب دابین کرنا دەرفەتێن خاندنێ بو قوتابیێن خواندنا بلند و ھندەک جاران بو قوتابیێن زانکویێ بو تمام کرنا بەشەک ژ خواندنا خو ل زانکویێن جیھانی. ھەر دەم دەرفەت یێن ھەین د پروگرامێ ( تواناسازی یێدا) يا وەزارەتا خواندنيێن بلندا، ھەروەسا وەکی بەری نها ئاماژە پێھاتیە کرن د پروگرامێ "ئێراسموس موندوس " دا .

بەشێ ھنارتنێ بەرپرسە ژ ھاریکاری کرنا قوتابیان د پروسا داخازناما وپر كرنا فورمی و ئاراسته‌كرنێ و برێڤەبرنا کێشا زێدەباری چاڤدێریکرنا خاندنا وان ل دەرڤە. ئەڤ بەشە راستەوخو پەیوەندیێ دگەل پروگرامێن ھنارتنێ یێن جیاواز دکەت يێن کو بەرھەڤ بو وان قوتابیێن بەردگەریێن کو خواندن و باوەرنامیێن خو ل دەرڤەی ولاتی ب دەست خو ڤە بینن.

گرنگترین کار و بەرپرسایەتی :

  • رێکخستن دناڤبەرا زانکویا دھوکێ و وەزارەتا خواندنا بلند وڤەکولینێن زانستی دا ل ھەولێرێ و به‌غدا ئەوا تایبەت ب هنارتنا قوتابیان بۆ ده‌رڤه‌ی وه‌لاتی.
  • سەرپەرشتی و رێبەریا قوتابیان ل دەمێ پروسا داخوازکرنا وان د پروگرامێن جیاوازدا ل سەرانسەری زانکویێن جودا جودا ل جيهانێ .
  • ئاموژگاریکرنا قوتابیان ژ بۆ بده‌سڤه‌ئينانا ڤیزان .
  • دیفچون و پێشڤه‌برنا ئاستێ قوتابیێن زانکويێ ل دەرڤە و رونکرنا بارودوخێ وان .
  • پاراستن و خرڤەکرنا سیستەمەکێ بھێز درێڤەبەریا مەدا ب تایبەتی ئەو دوکیومێنتێن بو قوتابی ڤەدگەرن .

زانکویا دھوکێ نێزیکی ٣٠٠ قوتابیان یێن ھەین ئەویێن کو ژ بو باوەرنامێن بەکالوریوس , ماستەرێ , و دوکتورایێ ل سەنتەرێن جیاواز و ھەرەباش ل ٢٥ وەلاتان د خوینن .