ژبو هاوشانیا نویکرنێ د ( علم الجینات الوراثیە ) وەرشا کارى یا چوارێ هاتەگرێدان ل سەنتەرێ ڤەکولینێن دهوکێ ل کولیژا پزیشکى ڤێتێرنەرى زانکویا دهوک ل ژێر دروشمێ ( From PCR to DNA sequencing ) بو ماوێ دوو روژان هەر ژ روژا 10 – 11 /5 / 2016 و ب ئامادەبوونا پروفیسور دکتور ( مصلح محمد سعید ) سەروکێ زانکویا دهوک , و پروفیسورێ هاریکار دکتور ( لقمان طیب عمر ) راگرێ کولیژێ , وپشکداریا ( ٣٢ ) ڤەکولەران ژ هەمى زانکوین هەرێما کوردستانێ و عێراقێ .
راگرێ كۆلیژا پزیشكی ڤێتێەرنەری د. لوقمان تەیب گوت ژبەر رەوشا ئەڤرۆ یا هەریما كوردستان تێدا د بوریت و قەیرانا دارایی بتنێ پشكدارێن مە ڤەكولەرێن هەرێما كوردستانێ دئامادەنە و یێن ژدەرڤەی هەرێمێ كەسێ پشكداری نەكریە، بەلێ مە ڤەكولینێن باش ئەنجام داینە و گە لەك دگرنگن بۆ دەست نیشانكرنا ئەگرێن پەیدابوونا ئێشان.
سەرۆكێ زانكۆیا دهۆك پرۆفیسۆر د. مسلح دهۆكی د پەیڤەكێ دا گۆت ئەڤ جورە چالاكیە گەلەك دگرنگن بۆ خزمەتا مرۆڤایەتیێ و پێگەهشتن ب پێشكەفتنێ، كاركرن بۆ هەبوون و پێشخستنا تاقیكرنێن گرێدای بابەتێ "DNA" ل زانكۆیا دهۆك نە ب تنێ كارەكێ زانستی یە و جهێ فێركرنا قوتابیانە بەلكو دەرگەهەكێ پێشكەفتنێ یە و بەردەوامیا پێگەهاندن و پێشكێشكرنا خزمەتێن زانستی یە بۆ جڤاكی.