کولیژا پلانسازیا شار و هەرێمان
لدویف رێككەفتنا د ناڤبەرا كۆلیژا پلاندانانێ ل زانكۆیا دهۆك و كۆلیژا پلاندانانێ ل زانكۆیا دورتمۆند یا ئەلمانی ل رۆژا 13/8/2022 مەشقا هاڤینێ یا قوتابیێن قووناغا دووماهیێ یا كۆلیژا پلاندانانێ ل وەلاتێ ئەلمانیا ب پشكداریا 20 قوتابیان دەستپێكر.
راگرێ كۆلیژا پلاندانانێ ل زانكۆیا دهۆك د. دلشاد عبدالجبار حلیم دیاركر كو ل دەمێ گەهشتنا ڤان قوتابیان د رێورەسمەكی دا پرۆگرامێ مەشقێ بۆ هاتە دیاركرن كو ستاڤێن زانكۆیا تی دورتمۆند و سەروكێ پشكا پلاندانانێ ل زانكۆیا دورتمۆند ئامادە ببوون و پەیڤێن خۆ پێشكێش قوتابیان كرن، ژلایێ خۆڤە شاندێ زانكۆیا دھۆك وكۆلیژا پلاندانانێ دكتور اسماعیل و دكتورە ایھان ب نوینەریا زانكۆیا دهۆك و كۆلیژا پلاندانانێ پەیڤین خو پێشكێش كر و جەخت ل سەر پالپشتیا سەرۆكێ زانكۆیێ بۆ پێشڤەبرن و بەردەوامی دان ب هەڤكاریا هەردوو كۆلیژان كر و هیڤی خاست كو د پاشەروژێ دا بشێن رێكەفتنەكی ل سەر پرۆگرامێ دكتورایێ یێ هەڤپشك ئیمزا بكەن كۆ نۆكە خاندنا بكالوریوس و خاندنا ماستەرێ یا كارپێكەرە، ل دووماهیێ ژی هیڤی خواست كو ئەڤ پرۆگرامە ببیتە دەلیڤكا باش بۆ پێشڤەبرنا ئاستێ زانستی یێ قوتابیان و پتر شیانێن وان یێن كارامەیێ بھێزترلێبھێن
هەژی گۆتنێ یە پشكا پلاندانانێ ل زانكۆیا دهۆك ل سالا 2012 هاتیە دامەزراندن، و ئەڤە گەراشەشێ یە قوتابی ژ ڤێ پشكێ دەردچن، و گەرا شەشێ یە قوتابیێن ڤێ پشكێ مەشقا هاڤینێ ل وەلاتێ ئەلمانیا ئەنجام ددەن وەكو بەشەك ژ پێدڤیا خاندنا وان و هەر جارێ بۆ ماوێ شەش حەفتیان د میننە ل وی وەلاتی