زانكۆیا دهۆك پەیوەندیێن زانستی دگەل زانكۆیا مستەنسریە ل بەغدا بهێز دئێخیت
شاندەكێ كۆلیژا زانست یا زانكۆیا مستەنسریە ل بەغدا ل رۆژا ئێکشەمبی رێکەفتی 24/1/2021 سەرەدانا زانكۆیا دهۆك كرن وژلایێ سەرۆكێ زانكۆیێ (پ.د. مصلح محمد سعيد دهوكى) پێشوازی لێ هاتە كرن.
د روینشتنەكی دا كو هاریكارێ سەرۆكێ زانكۆیێ بۆ كاروبارێن زانستی و خاندنا بلند (پ.هـ.د. لقمان هادى حسن) و هەروەسا راگرێ كۆلیژا زانست ل زانكۆیا دهۆك (پ.هـ.د. عزت يوسف رؤوف) و رێڤەبەرا پەیوەندیان د بەرهەڤ بوون، سەرۆكێ زانكۆیا دهۆك بەحسێ پرۆسا خاندنێ ل عیراقێ و دەڤەرێ ب گشتی كر ب تایبەت پشتی پەیدابوونا ڤایرۆسێ كۆرۆنایێ و كارتێكرنا وێ ل سەر ئامادەبوونا قوتابیان ل هولێن خاندنێ، و دیاركر كو نوكە ل زانكۆیا دهۆك سیستەمێ ئاوێتە دهێتە پەیرەوكرن ئانكو خاندن ب رێكا ئونلاین و تاقیكرن ل هولێن خاندنێ دهێنە ئەنجام دان.
ژ لایێ خۆڤە (د. علاء مطر شایع) هاریكارێ راگرێ كۆلیژا زانست ل زانكۆیا مستەنسریە دیاركر كو پشتبەستنا وان ژی بۆ گۆتنا وانا ب رێكا ئونلاینە و ڤێ چەندێ كارتێكرن ل پرۆسێسا خاندنێ كریە ب تایبەت ئەگەر قوتابی یێ دیری هولێن خاندنێ بیت.
ئەڤ سەرەدانا شاندێ زانكۆیا مستەنسریە بۆ زانكۆیا دهۆك پشتی ئیمزاكرنا رێككەفتنەكێ هات ل دووماهیا سالا 2020 د ناڤبەرا كۆلیژا زانست یا زانكۆیا دهۆك و كۆلیژا زانست یا زانكۆیا مستەنسریە د بیاڤێ پێكگوهورینا زانستی و ڤەكۆلینان وهەڤكاریێن زانستی.
About Enar
Inbox Lorem ipsum dolor sit amet, consectetur adipisicing elit. Earum recusandae rem animi accusamus quisquam reprehenderit sed voluptates, numquam, quibusdam velit dolores repellendus tempora corrupti accusantium obcaecati voluptate totam eveniet laboriosam.
Unique And Modern Design
Inbox Lorem ipsum dolor sit amet, consectetur adipisicing elit. Earum recusandae rem animi accusamus quisquam reprehenderit sed voluptates, numquam, quibusdam velit dolores repellendus tempora corrupti.