كولیژا زانست
ل ژێر دوريشمێ "گه‌نج ستوينا پاشه‌روژێ يه" و باوه‌رى ب هندێ كو يا پێدڤى يه گرنگى بهێته دان ب وان و بهێنه پالدان بۆ هندێ تا كو باوه‌رى بو وان چێبيت ئه‌و جهێ هندێ نه كو پاشه‌روژ و پێشكه‌فتنا زانستى يا جڤاكى يا لسه‌ر ملێت وان، هه‌ر ووسا بو كێمكرنا وان هزرو بيرێن نێگێتيڤ ئه‌وێن بو قوتابى چێدبن ده‌مێ ده‌ربازدبيت ژ قوناغا ساده يا قوتابخانێ به‌ره‌ف كومه‌لێ زانكويێ يێ به‌رفره‌هـ ڤه، ل روژا سێ شه‌مبى رێكه‌فتى 6/12/2016 چالاكيه‌ك هاته رێكخستن ژلايێ هه‌ر ئێك ژبه‌رێز: د.زهرة علي فتاح، م.هدى علي إبراهيم .م.هێژا إبراهيم عادل و پالپشتيا سه‌روك به‌شا كيميايێ د.شيرين عثمان إسماعيل بو قوتابيێن پشكا كيميايێ/ قوناغا ئێكێ.
ئه‌ڤ چالاكى يه پێك دهات ژ: دانا هه‌ر قوتابيه‌كى نه‌خشه‌كێ ساده ل سه‌ر ئاڤاهيێن كوليژێ وبه‌شێن وێ، وهه‌رووسا پێشكێشكرنا سميناره‌كێ ل دور نيشادانا ستاف و پشكێن كارگێرى يێن كوليژێ بو قوتابى، دگه‌ل پێگه‌هشتنا قوتابى ب وان خالێن گرنگ ئه‌وێن گرێداى ب ژيانا زانكويێ ڤه ژلايێ په‌روه‌ردێ و زانستى ڤه ئه‌وێن دبيت قوتابى توش دبيتێ د وان سالێن خو ئه‌وێن ده‌رباز دكه‌ت دناڤ زانكويێ دا هه‌ڤپێچ دگه‌ل چه‌ند وێنه‌يان، دگه‌ل گێرانا ئاهه‌نگه‌كا ب خێرهاتنێ بو قوتابيێن خوشتڤى ئه‌وا بويه ئه‌گه‌رێ دلخوشكرنێ بو قوتابيان.