گەشتا زانستی (بو سەروكایەتییا هەرێما كوردستانێ)
پێنج شەمبێ رێكەفتی ٣٠ / ٥ / ٢٠٢٤ ل دەمژمێر هەشتی سپێدێ ل ناڤ كامپوسا زانكویا دهوك دەست ب گەشتێ هاتەكرن بو قوتابیێن قوناغا سیێ ل كولیژا زانستێن سیاسی پشكا پەیوەندیێن ناڤدەولەتی و دبلوماسی-زانكویا دهوك، نێزیكی ٢٥ قوتابیان تێدا بەژداربون، ئەڤ گەشتە هاتبو رێكخستن ژلایێ ”م.هـ ملڤان احمد” هەڤكاری دگەل ”م.هـ هەلگورد نیهاد” بو سەروكایەتییا هەرێما كوردستانێ.
بەرنامێ هاتیە رێكخستن ژلایێ سەروكایەتییا هەرێمێ، دەمژمێر ١٠:٣٠ سپێدێ دەسپێكر ب خوشحالیڤە قوتابی هەمان دەمدا ئامادەبون، دەسپێكێ دەمژمێر ١٠:٣٠ تا ١١:٠٠ ژلایێ شاندێ سەروكایەتییا هەرێما كوردستانێڤە ب شێوەیەكێ پروتوكولی و گەرم پێشوازی ل قوتابیان هاتەكرن،
دەمژمێر ١١:٠٠ تا ١١:٣٠ شاندێ پروتوكولی بشێوەكێ گشتی باس ل كارێ پروتوكولێ و ئەو جهـ و دانیشتنێن جەنابێ سەروكێ هەرێمێ دگەل وەفدێن دەرەڤە و كومبونێن وان نیشا قوتابیان دا و باس ل سەركر تا جهێن ئیڤێنت و خوارنا وان،
هەروەسا دەمژمێر ١١:٣٠ تا ١٢:٠٠ بەرێز ”د. سوران علی” رێڤەبەرێ كاروبارێن دەستوری و فیدرالی ئەڤ گەشتە زەنگینتر لێكر و باس ل دەسهەلاتێن سەروكێ هەرێمێ كر،
هەروەسا بەرێز ”دلشاد شهاب” گوتەبێژێ سەروكایەتییا هەرێما كوردستانێ دەمژمێر ١٢:٠٠ تا ١٢:٣٠ بو قوتابیان شروڤەیەك دا میكانزمێ كارێ سەروكی و پەیوەندیێن هەرێمێ ل سەر ئاستێ هەرێمی و نیڤدەولەتی، ل دوماهیێ بەرێز ”د. نوری شنگاری” گەنگەشە گەرمكر تا دەمژمێر ١:٠٠ نیڤرو كو ژ لایێ قوتابیان و جەنابێ وان ڤە هاتە ئەنجامدان، خوشحالیڤە قوتابی هاتنە مێهڤانكرن بو نان خوارنا نیڤرو ژلایێ سەروكایەتییا هەرێمێ ڤە و قوتابی دەمژمێر ٣:٠٠ ئاڤاری ڤەگەریان.
دوماهیێ هەژیە بێژین هەردوو لایان ئەڤ گەشتە ب گرنگی و مفا دا زانین بتایبەتی بو پتر هایداربوونا قوتابیان ل جهـ و كاروبارێن فەرمی، ژبەر گەنگەشا گەرم و زانستیانەیا قوتابیان دگەل وان بەرێزان كەیف خوشیا خو دەربری و ئاستێ قوتابیان ب بلند دا زانین، هەروەسا داخازا سەرەدانێن بەردەوامی ژ لایێ شاندێ سەروكایەتییێ ڤە ژ قوتابیان هاتە كرن.
بەرهەڤكرن: م.هـ ملڤان احمد حجی
زانكویا دهوك، كولیژا زانستێن سیاسی پشكا پەیوەندیێن ناڤدەولەتی و دبلوماسی
