کورتیەک ل سەر کار و چالاکیێن کولیژا زمانان- زانكویا دهوك بۆ ساڵا (2023-2024)
پێشەکی:
کۆلێژا زمانان- زانكویا دهوك هەوڵددەت ژینگەهەکا پەروەردەیی یا ئێکگرتی دابین بکەت کو بەشداربێت د پەرەپێدانا شیانێن خوێندکاران و بەرزکرنا شیانێن ئەکادیمی و کەسایەتیا واندا. چالاکیێن کۆلێژێ بریتینە ژ چەندین چالاکیێن ئەکادیمی، ڕۆشنبیری، وەرزشی و کۆمەڵایەتی کو ئامانج ژی بدەستڤەئینانا یەکگرتنێ یە د ناڤبەرا لایەنێن تیۆری و پراکتیکیێن پەروەردەییدا.
چالاکیێن ئەکادیمی:
سمینار و ورک شۆپ:
چەندەها سمینار و ورکشوپێن جوراو جور ل کولیژا زمانان هاتنە ئەنجامدان د بوارێن زانستیدا، کو ماموستا و قوتابی و فەرمانبەر تێدا بەشدار بوون.
سیمپزیوم:
هەر وەسا ژ ئەوان چالاکیێن هاتینەئەنجامدان ل کولیژا زمانان کومەکا زۆر ژ سیمپزیومان بوون، کو ماموستا و قوتابی ب شێوەیەکێ بەرچاڤ تێدا پشکدار بوون و دانوستاندن ل سەر مژارێ هاتنەکرن، وەکو: پشکا زمانێ ئینگلیزی رابوو ب گێرانا سیمپوزیومەکێ بۆ نڤێسکار (د. سگڤان خلیل هیدایەت) ل کولیژا زمانان/ ل هوڵا سمیناران ل رێکەفتی (23/4/2024) و بابەتێ سیمپوزیومێ: (سەربورا نڤێسینێ و رەنگڤەدانێن جودایێن هەستێ نەتەوایەتی د بەرهەمێن ( د.سگڤان خلیل هیدایەت)دا)بوو.
چالاکیێن ڕۆشنبیری و هونەری:
رێکەڤتی ٢١ـی شواتا ٢٠٢٤ـێ، ل سەنتەرێ کۆنفرانسا، ب هەلکەفتا ڕۆژا جیهانیا زمانێ دایکێ و ب ئامادەبوونا (د. داود سلێمان ئەترۆشی) سەرۆکێ زانکۆیا دهۆک، راگرێن کۆلیژ و مامۆستا و قوتابیێن زانکۆیا دهۆک، کۆلیژا زمانان کۆربەندەك ئەنجامدا.
هەروەسا کۆلیژا زمانان ل زانکۆیا دهۆک بەریکانا (سەمفۆنیا پەیڤان) یا هەلبەست خواندنێ یا قوتابیێن زانکۆیا دهۆک ل ناڤەندا قوتابیان ئەنجام دا ب پشکداریا قوتابیێن هەمی کۆلیژێن زانکۆیا دهۆک و لیژنەکا هەڵسەنگاندنێ ژ زمانڤان و شارەزایێن زمانێ کوردی پێکهاتبوو و تێدا سەرکەفتی هاتنە خەلاتکرن. هەروەسا ل ٢١-٢-٢٠٢٤ ب هەلکەفتا رۆژا زمانێ دایک زانکۆیا دهوک کولیژا زمانێ کوردی رابوون ب چەندین چالاکیان بۆ ساخکرنا ڤێ رۆژێ و د برگا پیشانگەهێدا رێڤەبەریا مە ( مالادانعەمران ) بەشداری کر ب بەرهەمێن کارێ دەستی یێن دانعەمرا یێن مالا دانعەمران ب بەرهەڤیا رێزدار ( خلیل میکائیل ) رێڤەبەرێ رێڤەبەریا مە و بەرپرسێ مالا دانعەمران و ستافێ کاری و بەرپرسا خانیێ کچان و ئەڤ چالاکیە بو هاندانەک بو دانعەمرا ناڤبری بو پتر دروستکرنا بەرهەمێن جوانتر و باشتر.
سەرەدان و گەشتێن زانستی:
ل رێکەفتی 24/2/2024 کولیژا زمانان ژ زانکویا دهوک ب ئامادەبوونا راگرێ کولیژا زمانان بەرێز (د.ابو عبیدە عبدالله ذیاب) و هاریکارێ راگرێ گولیژا زمانان بەرێز ( د.سگڤان عبدالله عبدالرحمان) دگەل راگرێ کولیژا فێتێرنەری بەرێز (د. محمد شکری)، کومەکا ماموستایێن کولیژا زمانان و قوتابیێن کولیژا زمانان ژ دەوامێن سپێدە و ئێڤاران سەرەدانا مەزارێ نەمران و موزەخانە و مۆنۆمێنتا بارزان کرن. تێدا ئاشنابوون ب کلتوورێ نەتەوەیی و لێبورین و مێژوویا بزاڤا کوردی.
چالاکیێن وەرزشی:
هەلبەت چالاکیێن وەرزشی ب بربرا هەر دەزگەهەکی دهێتەهژمارتن و پشکا شێری ژ چالاکیان ببەر ڤان جورە چالاکیا کەتبوو، بو نمونە:
تیپا تەپا پێ: تیپا تەپا پێ یا کۆلێژێ د قارەمانیا کولیژێدا یا ناڤخۆییدا پشکداربوو ، دوماهی یاری زۆرا سەرنجڕاکێش بوو د ناڤبەرا هەردوو تیپێن رکا بەر.
قارەمانیا تەنسێ: کۆلێژی قارەمانیا ساڵانەیا تەنسێ ڕێکخست، ب بەشدارییەکا زۆر یا خوێندکاران و ئەندامانێن کولیژێ.
قارەمانیا شەترەنجێ: کولیژێ قارەمانیا ساڵانەیا شەترەنجێ ئەنجامدا، ب بەشداریا گەلەک قوتابیان د گەشەکێ هیمن و چێژبەخشدا دگەل دانا دیاریان بو سەرکەفتیان.
د ڤان هەمی چالاکیاندا بایەخەکا مەزن ژلایێ بەرێزان راگر و هاریکارێ راگرى ب ڤان چالاکیان هاتنەدان و کارئاسانی و پشتەڤانی بۆ هاتەکرن.
ئەنجام:
ئەڤ چالاکیێن جۆراوجۆرا یێن کو ژ لایێ کولیژا زمانان - زانکویا دهوکڤە هاتینە رێکخستن ڕۆڵەکێ گرنگ دگێڕن د پەرەپێدانا شیانێن خوێندکاراندا و بەرزکرنا شیانێن ئەکادیمی و کەسایەتی. ب دابینکردنا ژینگەهەکا پەروەردەیی یا گشتگیر کو پاڵپشتیا گەشەپێدانا هەمەلایەنەیی یا خوێندکاران دکەت، کۆلێژا زمانان هەوڵددەت دیدگایا خۆ بۆ ئامادەکرنا نەوەیەکێ سەرکردە و داهێنەر کو بەشدارییەکا کاریگەرانە د گەشەپێدانا چڤاکیدا بکەت بکەتە راستی و بەرەبابەکێ بەرهەمدار و عەلگرێ بهایێن جوان و خودان کو کار د نأڤ بازارێ نوی و ژینگەها خودا کاراتر کار بکەت. .
راگەهاندنا کولیژا زمانان