College of Humanities
د بەردەوامیی كار و چالاكیێن كولیژا زانستێن مروڤایەتیدا، ئەڤرو ڕێكەفتی (٢٥/١٠/٢٠١٦) بەرێز(د. كرڤان ئامێدی)ڕاگرێ كولێژی، ب ئامادەبوونا بەرێز (سلێمان ئسماعیل) هاریكارێ ڕاگرێ كولیژێ، دگەل سەرجەم سەروك پشك و ماموستا و بەرپرسێن یەكەیێن كولیژێ كومبوو.
د ئەڤێ كومبونێدا گەلەك بابەتێن گڕنگ هاتنە بەحسكرن. ژ وانژی: ڕەوشا سالا نوی یا خواندێ ب گشتی و ژ لایێ زانستی و ئەكادیمی ڤە ب تایبەتی، هەروەسا چەوانییا سەرەدەرییا ماموستایان دگەل قوتابی ب رێكین پێشكەفتی و سەردەمییانە و چەوانییا ئاڤاكرنا قوتابی، دیسان گرنگی و چەوانییا خۆ پێشڤەبرنا ماموستای ژ هەمو لایەكیڤە.هەروەسا كێموكاسیێن كولیژی ل سەر ئاستێ ئەكادیمی و كارگێری هاتنە بەرچاڤكرن و ڕێك و چەوانییا چارەسەرییا وان هاتنە گوتوبێژكرن.
هەژی گوتنێیە كو د ئەڤێ ڕوینشتنێدا سەرەرای هندێ كو بەحسێ لایەنێ كارگێری هاتە كرن، لێ زێدەتر جەخت ل لایەنێ زانستی و ئەكادیمی و چەوانییا پێشڤەبرنا ڤی لایەنی هاتەكرن.