College of Humanities

رۆژا ئالای ب چالاکیێن جورە و جور ھاتە خەملاندن.

راپورت: راگەھاندن
فوتو: جلال ابراھیم

ئەڤرۆ ١٧-١٢ ب ھەلکەفتا رۆژا ئالایێ کوردستانێ چەندین چالاکی ژ لایێ کولیژا زانستێن مرۆڤایەتی ھاتنە ئەنجامدان.
لدەمژمێر (١٠)ێ سپێدێ ل ناڤەندا قوتابیان، ڤەکرنا پێشانگەھا وێنێن فوتوگرافی یا "د. محمد سەبری" ب چاڤدێریا "د.حەجی موسی" ھاریکارێ سەرۆکێ زانکۆیا دھۆک بو کار و بارێن کارگێری و دارایی و ب ئامادەبوونا "د. کەرەڤان ئامێدی" راگرێ کولیژا زانستێن مروڤایەتی، ئەڤ پێشانگەھە ھاتە ڤەکرن.

ھەر دیسان ب ھەمان ھەلکەفت ل دەمژمێر (١٢)ی نیڤرۆ، ئاھەنگەک ل گۆرەپا کولیژێ ھاتە گێران ب چاڤدێرێا "د. کەرەڤان ئامێدی" و ب ئامادەبوونا جەماوەرەکێ زور ژ ماموستا و قوتابیان.
ئەڤ ئاھەنگە ژلایێ یانەیا رەوشەنبیری سەر ب کولیژێ ڤە ب ھەڤکاری دگەل ئێکەتیا قوتابیێن کوردستانێ لقی دھوک ھاتبوو رێکخستن.
دڤێ ئاھەنگێ دا چەندین پەیڤ ھاتن خواندن ژ وان پەیڤا راگرێ کولیژێ و پەیڤا لژنا قوتابیان و پەیڤا یانەیا رەوشەنبیری و دیڤدا چالاکیێن جورە و جور دەستپێکرن ب بلندکرنا ئالایێ کوردستانێ ب سەرکێشیا عەمید " رەشید مێرانی" دگەل کۆمەکا قوتابیان و ھەر وەسا ھوزانڤان لایق کورێمەی پشکداری د چەند ھوزانەکادا کر و دیسان قوتابیان ژی پشکداری د گوتنا ھوزانان داکر و ھەر دڤێ ئاھەنگێ دا زارۆکێن شەھیدان ھاتن خەلاکرن کو ژلایێ رێکخراوا شەدا ڤە ھاتبوو رێکخستن.
لدووماھیکا ڤێ ئاھەنگێ ژبەر ڤێ ھەلکەفتا رۆژا ئالای، قوتابیان ب دیلانا کوردی ئەڤ ئاھەنگە دگەل بلندکرنا ئالایێ کوردستانێ ب دووماھیک ئینا.