College of Humanities

ئەڤرۆ رۆژا جیھانیا چیای ھاتە ساخکرن

راپورت: رێبەر روشدی
فوتو: جلال ابراھیم

ئەڤرۆ رێکەفتی ١١-١٢-٢٠١٧ بو یەکەم جار رۆژا جیھانیا "چیای" ل کورستانێ ل ھۆلا "بەدلیسی" دھێتە ساخکرن، ب ئامادەبوونا ھاریکارێ سەرۆکێ زانکۆیا دھۆک"د.حەجی موسی"و ڕاگرێ کولیژا زانستێن مروڤایەتیێ"د.کەرەڤان ئامێدی" و ب بەرھەڤبوونا ماموستا و قوتابیێن کولیژێ ئەڤ چالاکیە دەستپێکر.
لدەستپێکا ڤێ چالاکیێ پەیڤا د.حەجی و پەیڤا د. کەرەڤان ئامێدی و ھەر وەسا پەیڤا سەرۆکێ پشکا جوگرافیا"د.مزگین محمد حسن "ھاتن خواندن.
دیڤدا " د.احمد علي"سەرپەرشتێ ڤێ چالاکیێ رۆنکرنەک لدۆر ڤێ رۆژێ دا دیاکرن و دیسان رۆلێ قوتابیان بەرچاڤکر و ھەروەسا ژ لایێ دیرۆکی ژی ڤە پێناسەیەک لدۆر چیای دا دیاکرن.
پشتی خاندنا پەیڤان، پڕۆژێن قوتابیان دەستپێکرن و ژلایێ ڤان قوتابیان ڤە پڕۆژە ھاتنە پێشکێشکرن:-
قوتابی/ ئاشتی حازم، لدور چیایێن کوردستانێ
قوتابی/ئارین عسمەت، لدور مفا و گرنگیا چیا
قوتابی/ عائشا نەبی، لدۆر رەنگێ چیا
قوتابی/ زینب نوزت، لدۆر ئاریشێن دەڤەرا چیایی.
لدووماھیکێ کێکا ڤێ ھەلکەفتێ ژلایێ ماموستا و قوتابیان ڤە ھاتە کەرکرن و ب رۆژەکا دیرۆکی ھاتە قەلەمدان و ب شاھی و دیلانێن کوردی ب داوی ھات.