كولیژا یاسا
لدویڤ فهرمانا زانكویێ یا ژماره (5316) ئهوا دهركهفتی ژسهروكایهتیا زانكویا دهوك ل رێكهفتی (29/5/2017) بریار هاتیه دان لسهر ڤهكرنا (سهنتهرێ ڤهكولینێن یاسایی ورامیاری) ل كولیژا یاسا/ زانكویا دهوك، سهنتهر گرنگیێ ددهته ئهڤان كار وچالاكیێن ئهكادیمی وزانستیێن لخوارێ دیار:
1- دهستنیشانكرنا ئاریشهیێن رهههندێن یاسایی و رامیاری ههین دناڤا جڤاكێ كوردستانی و عیراقیدا ژبو ئهنجامدانا ڤهكولین وخواندنێن یاسایی و رامیاری سهبارهت وان.
2- دهستنیشانكرنا دیارده و رویدانێن سهرهلددهن د جڤاكی دا یێن پێدڤى ب چارچووڤهدانێ و رێكخستنهكا یاسایی ههی ژبو ئهنجامدانا ڤهكولین وخواندنێن یاسایی و رامیاری سهبارهتی وان.
3- پهیوهندی دگهل ڤهكولهرێن یاسایی و رامیاری ل ناڤخوو و دهرڤه ژبو بهژداریكرن د چالاكیێن سهنتهری دا.
4- گرێدانا ههڤكاریا ل بوارێ ڤهكولینی دگهل سهنتهر و سازیێن دیتر یێن ڤهكولینا یێن هاوتا ژ رویێ ئهركان ڤه ل ناڤخوو و دهرڤه.
5- خورتكرنا پهیوهندیان دگهل لایهنێن جێبهجێكار (كارگێرى و خزمهتگوزاری) برێكا كوربهند ووركشوپان ژبو ئالوگوركرنا هزر و بوچوونان لدور هندهك مژارێن گرنگ ژبو دهركرنا پێشنیار و پروژه یاسایان كو خزمهتا پروسهیا یاسادانانێ ل ههرێمێ بكهن.
6- ئهنجامدانا خواندنێن ئیستراتیجی (یاسای و رامیاری) كو پێشبینیا پاشهروژا نێزیك و مامناڤهند یا سهبارهت بارودوخێ یاسایی ورامیاری یێ چاشهروژا ههرێما كوردستانا عیراقێ.
7- بهلاڤكرنا خواندن وشروڤهكاریێن یاسایی ورامیاری ئهوێن دهێنه ئهنجامدان ب سهرپهرشتیا سهنتهری، سهبارهت كهیسێن یاسای و رامیاری یێن ناڤخوو و ههرێمى و نیڤدهولهتی د بوارێن ئیستراتیجی وجڤاكی وئابووری دا.
8- بهلاڤكرنا كورتیا چالاكیێن سهنتهری ب رێكا سایتێ سهنتهری یێ ئهلكترونی داكو مفای بگههینته لایهنێن پهیوهندیدار وببیته ئالاڤهك بو خورتكرنا رهوشهنبیریا یاسایی ورامیاری لدهف تاكان.