ل كۆلیژا پزیشكی ووركشۆپەك ل دۆر پێڤاژوویا بۆلۆنیا ب رێڤە چوو
Oct. 5, 2021, 10:56 a.m.

ل رۆژا دووشەمبی 4/10/2021 ل كۆلیژا پزیشكی ووركشۆپەك هاتە ب رێڤەبرن ژلایێ لژنا بلندا پێڤاژوویا بۆلۆنیا ل زانكۆیا دهۆك و ب راهێنەریا پروفیسۆرێ هاریكار د. ئەمین عەبدولقادر ڤە بۆ مامۆستایێن كۆلیژا پزیشكێ ددان و كۆلیژا پەرستیاری، د ڤێ ووركشۆپێدا كو پتر ژ 30 مامۆستایان ژ هەردوو كۆلیژان تێدا د پشكداربوون.
د ووركشۆپێدا سێ تەوەرە ژ لایێ راهێنەریڤە هاتنە بەحسكرن و گەنگەشەكرن، ئەو ژی:
ـ پێڤاژوویا بۆلۆنیا چیە؟
ـ جێبەجێكرنا پێڤاژوویا بۆلۆنیا چ گرنگی بۆ زانكۆیێ (مامۆستایان و قوتابیان) هەیە؟
ـ رێنمایێن بجهئینانێ ل زانكۆیا دهۆك چنە؟