ل زانكۆیا دهۆك وۆركشۆپەك لدۆر هۆنەرێ ئەنیمەیشنی هاتە ئەنجامدان
April 11, 2022, 10:30 a.m.

    پشكا هونەرێن شێوەكاری ل كولیژا زانستێن مرۆڤایەتی ل زانكۆیا دهۆك ئەڤرۆ رێکەڤتی ١٠/٤/٢٠٢٢ وۆركشۆپەك لدۆر نیاسینا جیهانا ئەنیمەیشنی بۆ د.سەباح حسێن سالح مامۆستایێ‌ زانكۆیا سەلاحەدین رێكخست.

 

    سەرۆكێ‌ پشكا هونەرێن شێوەكاری مامۆستا دلگەش جاسم گۆت: "ئەڤ وۆركشۆپە بۆ قوتابیێن قووناغێن ئێكێ‌ و چوارێ‌ و هەر قوتابیەكێ‌ حەز ل سەر ڤی بیاڤی هەبیت هاتە ئەنجامان، لێ‌ بۆ مە یا گرنگ پشكداریا قوتابیێن قووناغا چوارێ‌ یە، چونكو پشتی دەرچوونێ‌ ئەو قوتابیێ‌ حەزا ئەنیمەیشنی هەبیت دا درێژیێ‌ ب خواندنا خۆ بدەت، و ئەڤە ببیتە دەرگەهەك پێ‌ بەرەڤ وێ‌ جیهانێ‌ ڤە بچیت.

 

   د. سەباح حسێن گۆت: "پتریا وان كەسێن دبیاڤێ‌ ئەنیمەیشنی دا كاردكەن شێوەكار و وێنەكێشن، و وەكو پیشەیەكی یان هونەرەكی دهێتە بكارئینان، ژلایێ‌ ئابووری ژی ڤە رۆلێ‌ خویێ‌ هەیە"، زێدەتر ژی خویا كر كو ئەنیمەیشن وەكو پیشەیەكی دهێتە دیتن ژبەركو مە ل كوردستانێ‌ تایبەتمەندیا ئەڤی بواری نینە، سەرەرایی كو بازارێ‌ ئەنیمەیشنی نوكە بازارەكێ‌ باشە ل جیهانێ‌، هۆنەرمەندێن كورد هەنە خەلاتێن جیهانی وەرگرتینە.

 

    دكتۆر د. سەباحی ئەو چەند ژی گۆت: "ئەنیمەیشن بوارەكە تێكەلی چەندین هونەرایە، سینەما، شانۆ، میۆزیك، دەنگ، ئەدەبیات و چیرۆك ژی تێدانە، لەورا ئەڤە ب كەسەكی بتنێ‌ ناهێـتە برێڤەبرن و پێدڤی ب تیمەکی یە".