كولیژا پزیشكی ل زانكۆیا دهۆك، ب هەڤكاری دگەل فیدراسیۆنا نیڤدەولەتیا قوتابیێن پزیشكی- لقێ دهۆك، وۆركشۆپەك لدۆر بەرهەڤكرنا ئەكادیمی بۆ قوتابیێن كولیژا پزیشكی ل زانكۆیا دهۆك ل ناڤەندا قوتابیان ئەنجامدا.
مەرەم ژ ئەنجامدانا ڤێ وۆركشۆپی ئەو بوویە کو قوتابیێن كولیژا پزیشكی ئاشناببن لدۆر ئارمانج و پەیامێن كولیژی و دیاركرنا ماف و ئەرکێن قوتابیێ پزیشكی و دید و بۆچوونێن كولیژێ بۆ پێشڤەبرنا رۆلێ قوتابیان ل كولیژێ و دیاركرنا رۆلێ رێكخراوێن پزیشكی بۆ پێشڤەبرنا ئاستێ قوتابیان.
ئەڤ وۆركشوپە ژلایێ مامۆستا و ئەندامێن فیدراسیۆنا نیڤدەولەتیا قوتابیێن پزیشكی، لقێ دهۆك و ئێكەتیا قوتابیێن كوردستانێ، ب ئامادەبوونا قوتابیێن هەمی قوناغێن كولیژێن پزیشكی و مامۆستا و نۆژدارێن ژ تایبەتمەندیێن جودا برێڤەچوو.