رۆژا دووشەمبی رێكەڤتی ٢٤ـی چریا ئێكێ ٢٠٢٣، کۆلیژا دەرمانسازی ل زانكۆیا دھۆك وۆرکشۆپەک بۆ مامۆستایێن كۆلیژا دەرمانسازی ل دۆر "شیانێن پەیوەندیکرنا کارێگەر" ل سەنتەرێ رەوشنبیری و چڤاکی ل زانكۆیا دھۆك ب ئامادەبوونا راگرا كۆلیژا دەرمانسازی د. سوزان عمر رسول و ھندەك مامۆستایێن زانكۆیا دھۆك ئەنجامدا
پەیڤا بخێرھاتنێ ژلایێ د. حسێن محمد رشید زوھێری ڤە ھاتە پێشكێشكرن، ناڤبری د پەیڤا خۆدا جەخت ل گرنگیا ڤان جۆرە چالاكیا كر، كو دبنە جھێ مفای بۆ مامۆستا و قوتابیا، ل دویڤ دا نیشاندانەك دەربارەی بابەتێ "شیانێن پەیوەندیکرنا کارێگەر" پێشكێشكر و چەوانیا پرۆسێسا پەیوەندیكرنێ و گەھاندنێ ب باشترین و جوانترین شێوە بۆ قوتابی روھنكر، دیسان باس ل گرنگیا بكارئینانا زمانێ جەستەیی كر، ب تایبەتی د گەھاندنا پێزانین و زانینێ بۆ قوتابی، كو دبیتە ئەگەرێ راكێشانا سەرنجا قۆتابی بۆ مامۆستای و ب باشترین شێوە ل گەل بابەتێ وانێ تێكەل دبیت.
ل دویڤ دا پشكداری ژلایێ ھەرئێك ژ د. عەمار ئەحمەد و مامۆستا ئیسحاق مەحمود ڤە ھاتە كرن، ھەردوویا جەخت ل سەر گرنگیا ھەبوونا شیانێن پەیوەندیكرنا كاریگەر ل دەڤ مامۆستایێن زانكۆیێ كر، داكو پرۆسێسا فێركرنێ و ڤەگوھاستنا زانینێ ب باشترین شێوە بھێتە ئەنجامدان، ل دویماھیێ دانوستاندنەكا بەرھەمدار د ناڤبەرا ئامادەبوویا دا ھاتە ئەنجامدان.
راگەھاندنا زانكۆیا دھۆك؛ ٢٦ـی چریا ئێكێ ٢٠٢٣
راپۆرت : نیبارێ حجی
فۆتو: محەمەد عبدالکریم