ل رۆژا 16/4/2020 زانكۆیا دهۆك ب ههڤكاری دگهل (IEEE) پهیمانگهها ئهندازیاریا كارهب و ئهلكترونیا یا ئهمریكی كۆنفرانسێ زانستی یێ نێڤدهولهتی یێ ئێكێ ل دۆر زانستێن كۆمپیوتهری و ئهندازیاریا پرۆگرامسازی ل زانكۆیا دهۆك ب رێكا ئونلاین ئهنجام دا.
ل رێورهسمێن دهستپێكرنا كۆنفرانسی سهرۆكێ زانكۆیا دهۆك پرۆفیسور د. مصلح دهۆكی د پهیڤهكی دا گوت "د دهمهكی ئهم ڤی كۆنفرانسی ئهنجام ددهین كو ل پتریا وهلاتێن جیهانێ هاتن و چوون پهككهفتیه و گهشت كرن بوویه كارهكێ ب زهحمهت، بهلێ مه وهكو زانكۆیا دهۆك و ل سهر راسپاردا ئهنجومهنێ وهزیران یا ههرێما كوردستانێ، مه نهدڤیا ئهڤ كۆنفرانسه بهێته پاشخستن و مه د ڤیا ل دهمێ خۆ بهێته كرن سهرهرایی ههمی كاودانا و ئهنجامدانا وی ب رێكا ئونلاینه داكو دوپات بكهین كو ژیان ههر یا بهردهوامه و چ تشت نابنه ئاستهنگ ل ههمبهری پرۆسا زانست و زانینێ".
پرۆفیسور د. مصلح دهۆكی ههروهسا گۆت" جهێ شانازیێ یه بۆ زانكۆیا دهۆك ههر كۆنفرانسهكێ ژ ڤی رهنگی دهێته گێران هژمارهكا زۆر یا ڤهكۆلهرا ل سهر ئاستێ جیهانێ پشكداریێ تێدا دكهن و ئهڤه ژی نیشانێ وێ پێشڤهچونێ یه یا ل زانكۆیێن ههرێما كوردستانێ بگشتی و زانكۆیا دهۆك ب تایبهتی پهیدابووی".
سهرۆكێ لژنا بلندا كۆنفرانسی د.لقمان هادی دیاركر"ئهڤه كۆنفرانسێ نیًڤدهولهتی یێ ئێكێ یه ل كوردستانێ و روژههلاتا ناڤهراست برێكا ئونلاین دهێته ئهنجام دان".
د.لقمان هادی ههروهسا گوت" د ڤی كۆنفرانسی دا كو دوو روژا دێ ڤهكێشیت ڤهكۆلهر ژ ههرێما كوردستانێ و عیراقێ و پتر ژ دههـ وهلاتێن جیهانێ پشكدارن تێدا كو ژ (124) ڤهكولینان تنێ (54) ڤهكۆلین هاتینه وهرگرتن كو پێشوهخت ههمی بهرههڤی و ههلسهنگاندن بو هاتبونه كرن و دێ ڤان دوو روژا ڤهكولین هینه پێشكێش كرن ب رێكا ئونلاین و دانوستاندن ل سهر هێته كرن".