سهرۆكێ زانكۆیا دهۆك د. داود سلێمان ئهتروشی ل رۆژا 15/8/2021 سهرهدانا ههردوو كۆلیژێن (پزیشكی و دهرمانسازی) كرن بۆ دویفچوونا چاوانیا برێڤهچوونا ئهزموونێن خولا دووێ یێن ڤان ههردوو كۆلیژان.
د. داود سلێمان ئهتروشی ل كۆلیژا پزیشكی دگهل راگرێ كۆلیژێ ب وهكالهت د. ئهحمهد محهمهد سالح بهحسێ سیستهمێ نوی یێ خاندنێ (Integrated System) ل كۆلیژا پزیشكی كر ئهڤ سیستهمه ئهڤه ماوێ سێ سالانه ل ڤێ كۆلیژێ دهێته پهیرهوكرن كو ب ههڤكاری دگهل ههردوو زانكۆیێن (لیستهر) یا بریتانی و (كوفه) یا عیراقی ل زانكۆیا دهۆك هاتیه بجهئینان و بۆ سالا نوی یا خاندنێ ئهڤ سیستهمه دێ گههیته قووناغا چارێ.
ژلایێ خۆڤه سهرۆكێ زانكۆیێ پهسنا بجهئینانا ڤی سیستهمی كر و داخاز كر كو ل كۆلیژێن دیتر یێن كۆما پزیشكی ئهڤ جۆرێن سیستهما بهێته پهیرهو كرن.
دڤێ سهردانێ دا بهرجاڤ بوو د ئهزموونێن خولا دووێ دا ههمی رێنمایێن خۆپاراستنێ ژ ڤایرۆسێ كۆرۆنایێ ل بهرچاڤ دهێنه وهرگرتن و قوتابی پێگیریێ ب گرێدانا ماسكێ و دویراتیا ژههڤدوو دكهن داكو گیانێ وان یێ پاراستی بیت.
ل كۆلیژا دهرمانسازی ژی سهرۆكێ زانكۆیا دهۆك دگهل هاریكارێ راگری و هژمارهكا مامۆستایێن وێ كۆلیژێ گهنگهشه ل سهر برێڤهچوونا ئهزموونێن خولا دووێ و سیستهمێ خاندنێ ل وێ كۆلیژێ و چاوانیا پێشڤهبرنا ڤی سیستهمی كر.
ئهڤ سهرهدانێن سهرۆكێ زانكۆیێ بۆ ههمی كۆلیژێن زانكۆیا دهۆك دێ د بهردهوام بن بۆ ژ نێزك ئاگههدار بوون ل سهر رهوشا كۆلیژان.