ل كۆلیژا پەرستاری ل زانكۆیا دهۆك گەنگەشا ناما ماستەری یا ڤەكۆلەر رۆناك محمد نعمان ل دۆر (كوالیتیا ژیانێ ل دەف چاڤدێرێن نەخۆشێن شوشتنا گولچیسكان ل باژێرێ دهۆكێ) ل رۆژا 3/11/2022 هاتە كرن، و ب پلا نایاب هاتە پەسەند كرن.
د ڤەكۆلینا خۆ دا، ڤەكۆلەر رۆناك محمد ئاماژە دایە وێ چەندێ كو چاڤدێرێن نەخۆشێن شویشتنا گولچیسكان ڕولەكێ گرنگ و بەرچاڤ دبینن د سەرەدەریكرن و چاڤدێریكرنێ دا، كو ئەڤە ژی كاریگەریێ دكەتە سەر كوالتیا ژیانا وان، ژ بەر ڤێ چەندێ، ئەڤ ڤەكۆلینە هاتە ئەنجام دان ب مەرەما هەلسەنگاندنا كوالتیا ژیانێ د ناڤبەرا چاڤدێران دا و هەروەسا ڤەدیتنا پەیوەندیان دناڤبەرا سالۆخەتێن چاڤدێران و نەخۆشان د گەل كوالتیا ژیانا چاڤدێران.
ئەڤ ڤەكۆلینە ب میتۆدەکا بەشەكی و سالۆخکاری هاتیە ئەنجامدان بۆ هەلسەنگاندنا كوالتیا ژیانێ د ناڤبەرا چاڤدێرێن نەخۆشێن ژ كاركەفتنا گولچیسكان یێن د پرۆسێسا شویشتنا گولچیسكان د بۆرن، ل دویڤ پیڤەرێن ڤەكۆلینێ، نموونە هاتینە هەلبژارتن ب شێوازێ نە هەرەمەكی كو سەرجەمێ وان 139 پشكدار بوون، و نمرا كوالتیا ژیانێ، جەستەیی ودەروونی، جەستەیی بلندترین خال بدەستڤە ئینابوون بەلێ بوارێ هێز و ماندیبوونێ كێمترین خال بدەست ئینابوو، و پەیوەندیەكا نێگەتیڤ یا گرنگ هەبوو دناڤبەرا تەمەنی و كوالتیا ژیانێ دا، زێدەباری وێ چەندێ كوالتیا ژیانێ باشتربوو دناڤبەرا پشكدارێن گەنجتر، نێر، زوگورد، رەوشەنبیر و فەرمانبەرێن دامەزراندی، سەرجەمێ خالێن كوالتیا ژیانێ د ناڤبەرا چاڤدێرێن نەخۆشێن شویشتنا گولچیسكان تا رادەیەكێ باش د ئاستێ قبوولكرنێ دابوون، ژ لایەكێ دی ڤە، هێز و ماندیبوون و ساخلەمیا دەروونی د كاریگەرترین بوار دا بوون.
ئەڤ ڤەكۆلینە ب سەرپەرشتیا د. سنا زنون احمد، و لژنا گەنگەشێ ب سەرۆكاتیا د. سنا حسن عبدالصاحب بوو، و هەر ئێك ژ د. بارزان محمد محمدامین، و د. نشوان محمد رشید دڤێ لژنێ دا ئەندام بوون، و پشتی گەنگەشێ ئەڤ ماستەرنامە ب پلا نایاب هاتە پەسەند كرن.