سهرۆكێ زانكۆیا دهۆك، د. داود سلیمان ئهتروشی، راگههاند كو پلانا وهرگرتنا ناڤهندی یا وهزارهتا خاندنا بلند و ڤهكۆلینێن زانستی، كو 80% یا وهرگرتنێ بۆ جهێ جۆگرافی یێ قوتابیه، قوتابیان نهچار دكهت ههر ل دهڤهرا خۆ بمینیت، ئهڤ داخۆیانیا سهرۆكێ زانكۆیا دهۆك ل دهمێ ئیمزاكرنا رێككهفتنهكا زانستی هات ل رۆژا 22/9/2021 دگهل زانكۆیا چهرمۆ بۆ ئالۆگۆریا زانستی و كارێ ئهكادیمی یێ ههڤپشك.
شاندێ زانكۆیا چهرمۆ ئهوێ پێكهاتی ژ سهرۆكێ زانكۆیێ، پ. د. صلاح رهزا، و سهرۆكێ سهنتهرێ كوردستانناسی ل وێ زانكۆیێ، د. سامان عزالدین، و دگهل دا پ. د. دلشاد عهلی، سهرهدانا زانكۆیا دهۆك كرن، بۆ پیرۆزباهیێ ل سهرۆكێ زانكۆیا دهۆك، د. داود سلیمان ئهتروشی، ههروهكو ئهتروشی گۆتی "باشترین دیاریا پیرۆزباهیێ سهرۆكێ زانكۆیا چهرمۆ دگهل خۆ ئینای بۆ زانكۆیا دهۆك، ئیمزا كرنا رێككهفتنهكی یه بۆ كارێ ههڤپشك یێ ئهكادیمی، كو پێنگاڤهكا گرنگه، یا ژ وێ گرنگ تر ئهڤ دوو دهڤهره كو ژ ئێك دیرن و ماوهكێ زوره ئهو پهیوهندیا بهێز نهبوویه لهورا یا گرنگه وێ پهیوهندیێ بهێز بكهین بۆ ئالوگورا مامۆستا و قوتابیان و كارێ ئهكادیمی یێ ههڤپشك، دیتنا مه یا ههڤپشكه بۆ كوالیتیا خاندنا بلند كو د نوكه و پاشهرۆژێ دا بشێین پێش بێخین".
سهرۆكێ زانكۆیا چهرمۆ، پ. د. صلاح رهزا، گۆت "سۆپاسیا زانكۆیا دهۆك دكهین وهكو زانكۆیهكا كهڤنار یا دهڤهرێ، ئهم وهكو زانكۆیا چهرمۆ كو زانكۆیهكا نویه دێ مفایی ژ سهربۆر و شارهزایا وان بینین و دێ شێین ب ههڤپشكی دبیاڤێ كۆنفرانس و پرسێن گرنگ یێن خاندنا بلند و ریفرۆرما خاندنێ كاركهین، دوو زانكۆینه د ههڤدهنگین دگهل ئێك، ئهم هاتینه ههم پیرۆزباهیێ ل د. داود ئهتروشی بكهین، ههم ژی بشێین پێكڤه كار بكهین ل لێكگوهورینا مامۆستا و قوتابیان ل سالێن داهاتی و خاندنا ماستهر و دكتۆرا ههڤپشك پێكڤه ڤهكهین.
ههژی گۆتنێ یه زانكۆیا چهرمۆ ل سالا 2014 ل دهڤهرا چهمچهمال هاتیه دامهزراندن و نوكه ژ سێ كۆلیژ و 10 پشكێن زانستی پێك دهێت، و ئێك ژ زانكۆیێن حكومیه ل ههرێما كوردستانێ.