ئەڤرۆ رۆژا ئێکشەمب، رێکەڤتى ١٤ـی نیسانا ٢٠٢٤ـێ، ل سەنتەرێ کۆنفرانسا، ب ئامادەبوونا د. دلشاد عبدالجبار حليم هاریکارێ سەرۆکێ زانکۆیێ و هژمارەکا بەرپرسێن حزبى و حکومى ە مامۆستا و قوتابیێن زانکۆیا دهۆک، کۆربەندێ "كارتێكرنا بریارێن دادگەها بلندا فیدرالی ل سەر مافێن دەستووریێن هەرێما كوردستانێ" دەستپێکر.
ئەڤرۆ د پانێلێ ئێکێدا، ب ئامادەبوونا ئامینا زکری ئەنداما مەكتەبا سیاسی یا پارتی دیموكراتی كوردستان و د. عبدالفتاح عبدالرزاق بریكارێ وەزارەتا خواندنا بلند و ڤەكۆلینێن زانستی، هەبوونا دادگەها دەستووری یا سەربخۆ وەکو گەرەنتیا بەلانسا دەستووری ل ناڤبەرا دەستهەلاتێن فیدرالی و هەرێمان هاتە گەنگەشەکرن.
هەورەسا سوباهی ڕۆژا دووشەمبی د پانێلێ دووێ دا، ب ئامادەبوونا فەرهاد ئەمین ئەتروشی ئەندامێ بەرێ یێ جڤاتا نیشتیمانیا عیراقێ و د. گۆڤەند شێروانی بسپۆرێ جیۆلۆجی و شارەزا د بیاڤێ نەفت و گازێ دا دێ گەنگەشێ ل دۆر پاشەڕۆژا نەفت و غازێ ل عیراق و هەرێما کوردستانێ کەن.
بۆ دیتنا دیمەنێن ڤیدیۆیی یێن رۆژا ئێکێ یا کۆربەندى سەرەدانا لینکێ ل خوارێ بکە:
بۆ دیتنا ۆێنەیێن رۆژا ئێکێ یا کۆربەندى سەرەدانا لینکێ ل خوارێ بکە:
https://drive.google.com/drive/folders/10N8jwK6XoEvIvsLPKkruhhQ_uyz6UD-g?usp=sharing
ڕاگەهاندنا زانکۆیا دهۆك؛ ١٤ـی نیسانا ٢٠٢٤ـێ.