ب چاڤدێریا سەرۆک بارزانێ... کۆنفرانسێ زانستیێ جینۆسایدا گەلێ کوردستانێ دێ هێتە ئەنجامدان
Sept. 22, 2022, 1:12 p.m.

ل ژێر چاڤدێریا رێزدار سەرۆک مەسعود بارزانی و ب پشتەڤانیا سەرۆکاتیا ئەنجومەنێ وەزیران، ب هەڤپشکیا هەرسێ زانکۆیێن (دهۆک، سەلاحەدین_هەولێر و سۆران)، کۆنفرانسێ زانستیێ نیڤدەولەتیێ جینۆسایدا گەلێ کوردستانێ دێ ل رۆژا سێشەمبی رێکەڤتی٢٠٢٣/٤/٤ـێ هێتە ئەنجامدان، کو هەڤدەمە دگەل رۆژا شەهیدێن کوردێن فەیلی. ئەڤ کۆنفرانسە دێ ل هۆڵا (شەهید سەعەد عەبدوللا) ل هەولێرا پایتەخت، ل دەمێژمێر (٩:٣٠)ی سپێدێ دەستپێکەت و بۆ ماوێ (٣) رۆژان دێ یێ بەردەوام بیت.

د کۆنفرانسی دا، چەندین زانا و ئەکادیمی و دیرۆکنڤیس و کەسایەتیێن شارەزایێن نیڤدەولەتی و ناڤخۆیی د ڤی بواری دا دێ پشکداربن. هەژی باسکرنێ یە د ڤی کۆنفرانسی دا دویماهی ڤەکۆلین و دەرئەنجامێن وان و بەلگەیێن دیرۆک دێ هێنە نیشاندان.

جینۆساید مەترسیدارترین تاوانە کو رویبروی گەلێن جیهانێ دبیت، د دیرۆکێ دا چەندین تاوانێن ب ڤی شێوەی هاتینە ئەنجامدان، گەلێ کوردستانێ وەکو گەلەکی بندەست، ب درێژاهیا دیرۆکا خۆ، د سەردەمێن دەستهەڵاتێن جودا دا، و ژبەر چەندین ئەگەر و بەهانەیێن جودا دا بریارا ژناڤبرن و جینۆسایدا لسەر هاتیە دان.

جینۆسایدا کوردێن فەیلی ژی هەوەکا درندە بوو، کو رژێمێن ئێک لدویڤ ئێکێن عیراقێ ب چەندین قۆناغا دژی کوردێن فەیلی ئەنجامدا و د سەردەمێ رژێما بەعس یا ژناڤچووی دا گەهشتە لۆتکا درندەییێ.

بۆ تۆمارکرنا ناڤێن خۆ ب مەبەستا پشکداریکرنێ، سەرەدانا لینکێ ل خوارێ بکەن:

https://genocide.krd/registeration/

خۆ تۆمارکرنا پشکداربوویان ب ڤەکۆلین ڤە، سەرەدانا لینکێ ل خوارێ بکەن:

https://genocide.krd/abstract/

تێبینی:

  • پشکداری بێ بەرامبەرە.
  • ڤەکۆلینێن دهێنە پێشکێشکرن دێ ل گۆڤارێن زانکۆیێن پشکدار دا هێنە بەلاڤکرن.

بۆ پێزانینێن زێدەتر، سەرەدانا مالپەرێ کۆنفرانسی بکەن:

‏www.genocide.krd

یان پەیوەندیێ ب ژمارا ل خوارێ بکەن:

07511101241

یان نامەیەکێ بۆ ڤی ئیمێلی فرێبکەن:

‏info@genocide.krd