ل ژێر درویشمێ (پاراستنا مافێ زارۆکی ل هەرێما کوردستانێ - نوکە و ئاییندەی دا - ئەرکێ مە هەمیانە) وەزارەتا کارو کاروبارێن کۆمەلایەتی دێ ئێکەم کونفرانسێ زانستی ل 1-2 مەها خزیرانێ 2024 ئەنجام دەت ل هۆلا شەهید سەعەد عەبدوللا.
کۆنفرانسێ پاراستنا مافێ زارۆکان ل دیڤ نڤێسارەکا فەرمی یا وەزارەتا خاندنا بلند وڤەکولینێن زانستی داخاز ژ سەرجەم ماموستا وبسپۆر وڤەکولەرێن بیاڤێ زارۆکان کریە، بەشداری د ڤی کونفرانسی دا بکەن، ژبو پتر خزمەتکرنا زارۆکێن هەرێما کوردستانێ.
ژ ئارمانجێن کۆنفرانسی:
- دەستنیشانکرنا رێکێن دروست ژبو گەشەیەکا تەندروست یا زارۆکان ژلایێ جەستەیی وهزری ودەروونی وجڤاکی ڤه.
- ئاشکرا کرنا وان توندوتیژیان ئەوێن بەرامبەر زارۆکێن هەرێما کوردستانێ دهێنە ئەنجام دان، ودیارکرنا ئەگەرێن وان.
- دانانا میکانیزمێن روی بروی بوونا ڤان توندوتیژیان.
- دیارکرنا وان یاسایێن رێکەفتنامە و جارنامەیێن جیهانی یێن تایبەت ب زارۆكان ڤە.
- دیارکرنا رۆلێ پێگەهێن کۆمەلایەتی ژبو بنیاتنانا کەسایەتیا زارۆکی.
- پێشئێخستنا شیانێن ئەوان کەسێن دبیاڤێ پاراستنا مافێ زارۆکی کار دکەن.
تەوەرێن سەرەکی یێن کۆنفرانسی گەشەکرنا زارۆکی ژلایێ جەستەیی و هزری و دەروونی وکومەلایەتی ڤە، هەروەسا توندوتیژی دژی زارۆکی ژلایێ جەستەیی، سێکسی، دەروونی، کومەلایەتی، کەلتوری و ئابوری ڤە، دیسان پێگەهێن کومەلایەتی و خێزانی وقوتابخانە و راگەهاندن و تەکنەلۆجیا و هەڤالان ڤە، هەروەسا بەحسکرنا وان پرۆتۆکۆل ورێکەفتنامە وجارنامەیێن جیهانی یێن تایبەت ب زارۆکان ڤە، هەروەسا تەندروستیا دەروونی وخوشگوزەرانی یا زارۆکی وچارەسەریێن دەروونی و ئاستەنگێن ساخلەمی یێن زارۆکان و بازرگانی کرن ب زارۆکان و بەرەنگاربوونا ڤان ئەگەرا و دیتنا چارەسەریێ.
زمانێ کۆنفرانسی: کوردی و عەرەبی و ئینگلیزی.
پێشکێشکرنا پوختەیێن ڤەكولینان 31ی مەها کانوونا دووێ 2024ـە، و دوماهیک ژڤانێ پێشکێکرنا ڤەکولینان 10ـی نیسانێ 2024ـە.
پێدڤیە ناڤونیشان و پوختە ژ 300 پەیڤان كێمتر نەبیت و ژ 350 پەیڤان پتر نەبیت.
*بابەتێن كۆنفرانسی دێ ل گۆڤارا زانستی یا زانكۆیا سەلاحەدین هێنە بەلاڤ كرن.
*پەیوەندیكرن: http://www.molsa-conference.com
info@molsa.gov.krd
07507584481