سه‌رۆكێ‌ زانكۆیا دهۆك سه‌ره‌دانا كۆلیژا زانست كر
Sept. 15, 2021, 1:18 p.m.


سه‌رۆكێ‌ زانكۆیا دهۆك، د. داود سلێمان ئه‌تروشی، و هاریكارێ‌ سه‌رۆكێ‌ زانكۆیی، د. احمد محمد صالح، ل رۆژا 13/9/2021 سه‌ره‌دانا كۆلیژا زانست كر و دگه‌ل جڤاتا كۆلیژێ‌ كۆمبوون.

سه‌رۆكێ‌ زانكۆیا دهۆك د ڤێ‌ كۆمبوونێ‌ دا دیاركر كو كۆلیژا زانست مامۆستایێن خودان شیان یێن هه‌ین كو زانكۆیێ به‌ره‌ڤ ئاسویه‌كێ بلندتر ببه‌ن ب رێكا ئه‌نجامدانا وان ڤه‌كۆلینێن كاریگه‌ریا خۆ یا ئه‌رێنی ل ناڤا جڤاكی هه‌بیت.

د. داود سلێمان ئه‌تروشی، گۆت"به‌رپرسیاریا مامۆستایێ زانكۆیێ یا مه‌زنه‌ به‌رامبه‌ر جڤاكی، پێدڤیه‌ ب ئه‌ركێ خۆ یێ راسته‌قینه‌ رابیت، و ئه‌م دبینین كو زانكۆیا دهۆك ژ زانكۆیێن دی به‌رفره‌هتره‌  كو ببیته‌ سه‌ركرده‌یا زانكۆیێن دی د پێگه‌هاندن و به‌رهه‌ڤكرنا ده‌رچوویه‌كێ‌ خودان شیان كو بشێت جهێ‌ خۆ ل بازارێ‌ كاری دا ببینیت و كاریگه‌ریا خۆ ل ئاینده‌ی هه‌بیت".