شاندەكێ‌ قونسلخانا هولەندی ل هەرێما كوردستانێ‌ سەرەدانا زانكۆیا دهۆك كر
May 25, 2021, 9 a.m.

شاندەكێ‌ قونسلخانا هولەندی ل هەرێما كوردستانێ‌ ب سەرۆكاتیا هاریكارا قونسلی Mrs. Maaiket ل رۆژا 20/5/2021 سەرەدانا زانكۆیا دهۆك كر و ژلایێ‌ سەرۆكێ‌ زانكۆیێ‌ پ. د. مصلح دهۆكی ڤە پێشوازی لێ‌ هاتە كرن.
رێكخەرێ‌ پرۆژان ل كۆلیژا زانستێن ئەندازیاریا چاندنێ‌ د. روفائیل شلیمون توما دیاركر كو ئەڤ سەرەدانە ژ بۆ گەنگەشەكرنا وان پرۆژان بوو ئەوێن زانكۆیا دهۆك دگەل قونسلخانا هولەندی ئەنجامداین ب تایبەت ل كۆلیژا زانستێن ئەندازیاریا چاندنێ‌، كو هەتا نوكە سێ‌ پرۆژێن هەین دگەل سازیێن هولەندی بۆ زانین و دیتنا ڤان پرۆژان ئەڤ سەرەدانە هاتبوو كرن.
كۆلیژا زانستێن ئەندازیاریا چاندنێ‌ سالانە چەندین پرۆژێن هەڤپشك دگەل رێكخراو و سازیێن جودا جودا یێن جیهانی ئەنجام ددەت و قوتابی و دەڤەر ب گشتی ژ ڤان پرۆژان مفادار دبن.