بناڤێ خودێ مەزن و دلوڤان
قوتابێن خوشتڤی وبەرێز...
سالا نوی یا خواندنێ (2015-2016) دەست پێ كر، ئەز بناڤێ خو وجڤاتا زانكویا دهوك پیروزباهییا ئارەستەی هەوە دكەم و بخێر بێن بۆ ڤێ سالا خواندنێ. هیڤی دكەم سالا سەركەفتنێ و سەرفەرازیێ بیت بو هەوە ل خواندنێ و دژیانا روژانە دا .
وەكو هین دزانن كو زانكو قوناغەكا نوی یە و یا جیاوازە د ژیانا هەر قوتابیەكی دا، و ژبەر ڤێ چەندێ من دڤێت قوتابی پێگریێ ب رێنما و پرنسیپێن خواندنێ بكەت ل زانكویێ داكو سەركەفتنێ ل خواندنا خو بینیت و پاشەروژەكا گەش هەبیت و پێزانینێن خو بەرز بكەتن ل بوارێ لێ هاتیە وەرگرتن.
زانكویا دهوك وەك سالێن بووری ئەڤ سالە بەرهەڤیەكا باش كریە بو دابین كرنا بەشێن نافخویی بۆ قوتابیێن دەرڤەی قەزا دهوكێ
و زانكویا مە رابوویە ب دابینكرنا پێدڤیێن وان بەشا ل دویف شیانێن د دەست مەدا هەین. داخواز ژ قوتابیا دكەین ب پاراستا وان كەل و پەلێن دناڤا بەشادا بكەن.
قوتابیێن خوشتڤی نوكە هوین دزانن كو هەرێما كوردستانێ د رەوشەكا نە یا سەقامگیردا د بووریت و بەردەوامیا وە ل خواندنێ وسەركەفتنا هەوە ل پروسێسا خواندنێ جهێ شانازیێ یە. هەر كێم وكاسیەك هەبیت د هەر بیاڤەكی دا داخواز دكەین كو دهاریكار بن دگەل زانكویێ داكو ئەم بێكڤە سەركەفتنێ بدەست ڤە بینین.
قوتابی یێ خوشتفی خواندن ل زانكویێ دەرفەتەكە بو وەرگرتنا زانست و زانیاریان، ڤێ دەرفەتێ ژ دەست نەدە داكو ببیە كەسەكێ بەرهەمهێنەر بو وەلاتێ خو وپاشەروژا وەلاتێ خو روون بكەی.
و لدوماهیێ هیڤیدارم د هاریكاربن دگەل راگریا كولیژی وبەشێن زانستی وماموستایێن خو وبەشداریێ بكەن د هەمی چالاكیێن زانستی و هونەری یێن زانكویێ وچالاكیێن نشتمانی وكارێن خوبەخشی داكو ببنە نیشانێن شارستانیەتێ كو ئیك ژ ئارمانجێن هەرە گرنگێن زانكویێ نە
جارەكا دی سالا نوی ل هەوە پیروز دكەم و هیڤی دكەم سالا خوشی وسەرفەرازی و سەركەفتن بیت
دگەل رێزگرتنێ