پەیمانگەها چارەسەریا دەروونی و چارەسەریا ترومایێ ل زانکۆیا دھۆک ب ھەڤکاری دگەل زانکویا "توپینگ" یایٔەلمانی دێ دەست ب خواندنا کورسێ ماستەرێ کەن بو سالا خواندنێ ٢٠٢٠-٢٠٢١.
ئیبراھیم خەلیل رێڤەبەرێ کارگێری ل پەیمانگەھا چارەسەریا دەرونی دیارکر کو ل روژا 2020/9/12 دەست ب چاڤپێکەفتنا قوتابیان کری بو خواندنا ماستەرێ، گۆت ژی 25 کورسی ھاتبونە دەستنیشانکرن تا ٩/١٠ نێزیکی ٦٠ قوتابیان فورمێن خو پێشکێش کربون، ل گورەی رێنماییان مە دیڤچون بو فورمێنڤان قوتابیان کرن، پشتی دیڤچونێ دیاربو بەشەکێڤان قوتابیان مافێ خواندنێ ل دویف رێنمایان نابیت، و ئەو قوتابیێن ھاتینە وەرگرتن بو خواندنا ماستەرێ دەرچویێن بەشێن "سایکولوجی ، کلینیکال سایکولوجی ، سوشیال ورک" بون.
ئیبراهیم خەلیل هەروەسا گۆت زانینا زمانێ ئینگلیزی ئێک ژ مەرجێن خواندنا ماستەرێیە ل ڤێ پەیمانگەهێ لەورا پێدڤیە قوتابی زمانێ ئینگلیزی ب باشی بزانیت، دیار ژی کر کو ژڤانێ دەستپێکرنا خاندنا ماستەرێ دێ ل دەستپێکا ھەیڤا "١٠" دەست پێکەت و بو ماوێ سێ سالان دێیا بەردەوام بیت، د سالا ئێکێ دا ئامادەکارینە بو قوتابیان بو سالێن دووێ و سیێیێن خواندنێ.
دەربارەی خەرجیێن خاندنێ ئاشکرا کر کو ھەر ژ دەستپێکاڤەبونا پەیمانگەھێ ل سالا ٢٠١٧ وەلاتێ ئەلمانیا ھاریکاریەکا مادی ژبو وان قوتابیێن ل پەیمانگەھێ دخواند خەرج دکر، لێ د ئەڤ سالە دا ئەو ھاریکاریە ھاتینە راگرتن، لەورا ژی پێدڤیە ھەر قوتابیەک سالانە دوو ملیون دینارا وەکو کرێیا خاندانێ ب دەتە پەیمانگەهێ.