سەنتەرێ ڤەكۆلینێن ئاشتیێ و چارەسەركرنا ھەڤركیا CPCRS ل زانكۆیا دھۆك، ب سەركەڤتیانە ئێكەم مەشقدان وەك پشكەك ژ پرۆژێ "رێبازا مافێن بەرامبەر توندوتیژیا سێكسی و توندوتیژیا جۆرێ رەگەزی SGBV و ئێكگرتنا جڤاكی دناڤبەرا ئاوارە و جڤاكێن مێھڤاندار" رێكخست. ئەڤ پرۆژە ب پالپشتیا ئێكەتیا لوثەری یا جیھانی LWF ل عیراقێ ھاتیە ئەنجامدان و ژ لایێ كومەلا ئافرەتێن بەغدا BWA ھاتیە جێبەجێكرن، ئارمانجا سەرەكی یا پرۆژەی چارەسەركرن و كێمكرنا توندوتیژیێ ب دژی ئافرەتێ بوو.
بۆ دووپاتكرن ل سەر گرنگیا پەرەپێدانا ئێكگرتنا جڤاكی، وۆركشوپەك بۆ ماوێ سێ رۆژا ژ 5 تا 7ـی خزیرانێ 2023 ھاتە رێكخست، كو 25 كەس ژ ھەردوو رەگەزا ژ چالاكڤانێن گەنج یێن ناڤخۆیی و پەنابەرێن سوری و ئاوارەیێن ناڤخۆیی ژ شنگالێ تێدا پشكدار بوون.
وۆركشۆپ ژلایێ راھێنەر خدر دۆملی ژ سەنتەرێ ڤەكۆلینێن ئاشتیێ و چارەسەركرنا ھەڤركیا ڤە ھاتە برێڤەبرن، كو بابەتێن جودا یێن گرێدای پەرەپێدانا رەھوانیێن پەیوەندیكرنێ و دیزاینكرن و جێبەجێكرنا ھەوێن سەرئێخستنێ و مفاوەرگرتن ژ میكانیزمێن پەیوەندیكرنا كارا بۆ پەرەپێدانا ئێكگرتنا جڤاكی ھاتنە گەنگەشەكرن.
وۆركشۆپی پشكداریەكا كارا و كارلێكرن و تمامكاری دناڤبەرا ئامادەبوویا دا بخۆڤەدیت دەربارەی بابەت و كێشەیێن ھاتینە گەنگەشەكرن، پشكداران جەخت ل سەر گرنگیا وۆركشۆپی و بابەتێن وێ كر د دانا شیانا ب گەنجا بۆ پەرەپێدانا سەقامگیری و ئێكگرتنا جڤاكی دناڤ جڤاكێن وان دا.
ھەژی گۆتنێ یە وۆركشۆێ ل سەنتەرێ بەرخۆدان یێ ناڤەندا لاوان ل قەزا سێمێلێ ھاتیە ئەنجامدان.
راگەھاندنا زانكۆیا دھۆك؛ 14ی خزیرانێ 2023
راپۆرت: فاطمة محمود
وەرگێران: ماھر كێستەیی