وەکو پابەندبوون ب نایابیا وەرزشی، قوتابیێن زانکۆیا دهۆک پشکداری د سێ قارەمانیێن ل سەر ئاستێ هەرێما کوردستانێ و عیراقێ دا کر و شیا ئەنجامێن باش بدەستڤەبینیت.

د قارەمانیا یاریا باسکتبۆلێ دا، ئەوا ل زاخۆ هاتیە ئەنجامدان، زانکۆیا دهۆک پلا دووێ ل سەر ئاستێ زانکۆیێن کوردستانێ بدەستڤەئینا. ژ لایەکێ دی ڤە و د قارەمانیا گۆرەپان و مەیدان دا، ئەوا ل باژێرێ سلێمانیێ هاتیە ئەنجامدان و ١٨ زانکۆیێن عیراقێ تێدا پشکداربووین، ل سەر ئاستێ کچ و کۆران، زانکۆیا دهۆک پلا چوارێ بدەستڤەئینا. هەروەسا د یاریا شەترەنجێ دا، ل سەر ئاستێ ١٠ زانکۆیێن کوردستانێ، زانکۆیا دهۆک پلا ئێکێ بدەستڤەئینا.

دهێتە زانین، زانکۆیا دهۆک د هەمى قارەمانیێن وەرزشى دا ل سەر ئاستێ زانکۆیێن کوردستان و عیراقێ، پشتەڤانیەکا بەردەوام پێشکێشی قوتابیێن خۆ دکەت و ب شێوەیەکێ بهێز هەڤرکیێ د قارەمانیێن جودا دا دکەت.

بۆ داونلۆدکرنا وێنێن لینکێ ل خوارێ کلیک بکە:

https://drive.google.com/drive/folders/148V-1DIsEW6BKvFCqcERcc4LHqMtWSkH?usp=sharing

راگەهاندنا زانکۆیا دهۆک؛ ٥ـێ گۆلانێ ٢٠٢٤

تەڤژین الیاس و عسمەت خابوور