بۆ پتر هەماهەنگیێ و هەڤکاریێ و مفاوەرگرتن ژ پێشڤەچوونێن ئەکادیمی د بوارێ هۆنەری دا و فراوانترکرنا تۆرا پەیوەندیێن کولیژێن جودایێن زانکۆیا دهۆک، ئەڤرۆ رێکەڤتی ١٨ـی نیسانێ ٢٠٢٤، کۆلیژا هۆنەرێن جوان ل زانکۆیا دهۆک رێککەڤتنەکا لێکتێگەهشتنێ ل گەل کۆلیژا هۆنەرێن جوان ل زانکۆیا دیالا ئیمزاکر.
د ر وینشتنەکێ ل راگری کۆلیژا هۆنەرێن جوان ل زانکۆیا دهۆک، د. ئەیووب رەمەزان فەتاح، راگرێ کۆلیژا ناڤبری، باس ل گرنگیا هەبوونا هەماهەنگی و هەڤکاری و پرۆژێن هەڤپشک کر، ب تایبەتی ژی د بیاڤێ هۆنەرێن جوان دا و کاریگەریا ڤێ هەڤکاریێ ل سەر هەمەچەشنیێ و نێزیکبوونا کەلتۆری. ژ لایێ خۆ ڤە، د. عەلاء شاکر مەحموود، راگرێ کۆلیژا هۆنەرێن جوان ل زانکۆیا دیالا، گەشبینیا خۆ ب ناڤەرۆکا ڤێ رێککەڤتنێ دەربڕی هیڤی خواستن ئەڤ پەیوەندیە ل گەل کۆلیژا هۆنەرێن جوان ل زانکۆیا دهۆک دێ پتر پێشڤەبچن و هەردوو لایەن دێ مفادارببن.
ئەڤ رێککەڤتنە، چاپتەرەکێ نوی یە ژ پلان و بزاڤێن زانکۆیا دهۆک بەرەڤ بجهئینانا نایابیێ د بیاڤێ هۆنەرێن جوان دا، کو قوتابی و ستافێ ئەکادیمیێ زانکۆیێ و جڤاکێ هۆنەری ب گشتی ژێ مفادارببن.
بۆ داونلۆدکرنا وێنێن ب کوالتیا بلند، ئەڤی لینکی کلیک بکە: داونلۆدکرنا وێنەیان
راگەهاندنا زانکۆیا دهۆک؛ ١٨ـی نیسانێ ٢٠٢٤
عسمەت خابوور
فۆتۆ: عەلی بانکی