سەرۆكێ زانكۆیا دهۆك، د. داود سلیمان ئەتروشی، راگەهاند كو مە دڤێت دەنگێ قوتابی بگەهیتە مە، و پتر گوهێ خۆ بدەینە داخازێن وان، و كا چ پرۆژە ژی هەنە قوتابیان ئەم پشتەڤانێن وانین، هەروەسا پشتەڤانیا سەرۆكاتیا زانكۆیێ ژی بۆ هەمی قوتابیان دەربری ب تایبەت ئەو قوتابیێن خودان شیان، و بەهرە هەبن.
ئەڤ داخۆیانیا سەرۆكێ زانكۆیا دهۆك ل رۆژا 8/11/2021 هات دەمێ پێشوازی ل قوتابی، ڤین رەشید، قوتابیا پشكا ئاشتی و مافێ مرۆڤی ل كۆلیژا زانستێن مرۆڤایەتی ل زانكۆیا دهۆك كری، كو ڤێ قوتابیێ ل پەنەلێ ڤەكری یێ سەرسالا 29 یا زانكۆیا دهۆك ئەو پێشنیار بۆ سەرۆكێ زانكۆیێ كربوو كو پێدڤیە قوتابی ژی د چالاكیێن زانكۆیێ دا پشكداریێ بكەن و چالاكیێن ژ دەرڤەی پۆلێ بۆ قوتابیان ل زانكۆیێ هەبن، دوپاتی ژی ل سەر وێ چەندێ كر كو رۆلێ خۆ دگەل هەڤالێن خۆ ل ناڤ زانكۆیێ و دەرڤەی زانكۆیێ ببینن.