ل رۆژا دووشەمبی، رێکەڤتی 6/9/2021، و د چارچۆڤێ سەرەدانەکێ دا بۆ كۆلیژا زانستێن ئهندازیارییا چاندنێ، د. داود سلێمان ئەتروشئ، سەرۆکێ زانکۆیا دهۆکێ و ب یاوەرییا دکتۆر لوقمان هادی حەسەن، هاریکارێ سەرۆکێ زانکۆیێ، کۆمبوونەک دگەل جڤاتا کولیژا ناڤبری گرێدا.
د ڤێ کۆمبوونێ دا، سەرۆکێ زانکۆیا دهۆک پەسنا کولیژا ناڤبری کر و وەکو "ئێك ژ باشترین كۆلیژێن كو ب شێوەیەكێ راستهوخۆ خزمهتا جڤاكی كری و ب تایبهت تهخا جوتیار و خودان ئاژهلان" هەلسەنگاند. دیسان ژی ئاماژە ب رۆلێ راگرییا کولیژا ناڤبری دا د دروستکرنا پەیوەندییان دا و بدەستڤەئینانا پشتەڤانیێن دارایی بۆ پرۆژەیێن کولیژێ و پێشڤەبرنا ئاست و کوالتییا زانستییا قوتابیان.
د ڤێ کۆمبوونێ دا، سەرۆکێ زانکۆیا دهۆک تهكهز كر کو پێدڤییه تێکەلی دگەل کەرتێ تایبەت و زێدەکرنا داهاتێ کۆلیژێ ژ بزاڤێن گرنگێن کولیژێ بن و هەروەسا ڤهكۆلین و نامێن ماستهر و دكتۆرایێ لدۆر ئاریشێن دهڤهرێ بن، بۆ ڤهدیتنا چارهسهریێن زانستی و بجهئینانا پێشڤهبرنان د کەرتێ گشتوکالی دا ل دەڤەرێ.