سەرۆكێ‌ زانكۆیا دهۆك پیرۆزباهیێ‌ ل دوو رێڤەبەرێن نوی دكەت
May 5, 2021, 2:47 a.m.

سەرۆكێ‌ زانكۆیا دهۆك پ. د. مصلح دهۆكی ل رۆژا 4/5/2021 سەرەدانا دوو رێڤەبەرێن نوی دەستبكاربووین كر و بەرهەڤیا زانكۆیا دهۆك بۆ هەر پشتەڤانی و هاریكاریەكی بۆ دیاركر.
پ. د. مصلح دهۆكی دگەل دا هەر ئێك ژ هاریكارێ‌ سەرۆكێ‌ زانكۆیێ‌ بۆ كاروبارێن قوتابیان د. مێڤان عارف و هەروەسا هاریكارێ‌ زانستی و خاندنا بلند د. لقمان هادی سەرەدانا رێڤەبەریا هاتن و چوونا پارێزگەها دهۆك كر و پیرۆزباهی ل عەمید ئیبراهیم ئامێدی كر بۆ وەرگرتنا ڤی پوستی و هەروەسا سەرەدانا رێڤەبەریا رەگەزنامە و كاروبارێن شارستانی ل پارێزگەها دهۆك كر و پیروزباهی ل عەمید رێبەر عەبدولعەزیز كر بۆ دەست ب كاربوونا وی دڤی پوستی دا.
د ڤان سەرەدانان دا ژ بلی پیرۆزباهیێ‌ ل رێڤەبەرێن نوی سەرۆكێ‌ زانكۆیا دهۆك هەروەسا بەرهەڤیا زانكۆیا دهۆك بۆ هەر پشتەڤانی و هاریكاریەكی بۆ هەردوو رێڤەبەریان و رێڤەبەرێن نوی دیار كر بۆ پتر خزمەت كرنا وەلاتیان و باشتر ئەنجام دانا كاری كو ئەو كارێ‌ ژ زانكۆیێ‌ بهێتە خاستن بۆ هەر رێڤەبەریەكا پارێزگەها دهۆك ل دویف شیانان دێ‌ د هاریكار بن.