شاندەکێ زانکۆیا لوند یا سویدی سەرا زانکۆیا دهۆک دا
مايو 20, 2022, 2:31 م

 

بۆ پتر هەماهەنگیێ و دانوستاندنێ لدۆر ئەنجامدانا پرۆژێن نوی یێن هەڤپشک، ل رێکەڤتی ١٩/٥/٢٠٢٢، شاندەکێ پێکهاتی ژ د. پیتەر پیلاسیۆ و د. عەبدولغەنی حەسەن ژ زانکۆیا لوند یا سویدی سەرا زانکۆیا دهۆک دا و ژ لایێ سەرۆکێ زانکۆیا دهۆک د. داود سلێمان ئەتروشی ڤە هاتە پێشوازیکرن.

 

د روینشتنەکێ دا و ب ئامادەبوونا د. رەند حەمۆدی بەرپرسا پەیوەندیێن نیڤدەولەتی یێن زانکۆیا دهۆک، دانوستاندن لدۆر پلاندانان و ئەنجامدانا هندەک پرۆژێن هەڤپشک د ناڤبەرا زانکۆیا دهۆک و زانکۆیا لوند دا هاتنە کرن، ب تایبەت د بوارێ ژینگەهێ و ئاڤێ دا.

 

هەژی ئاماژێ یە هەر ژ سالا ٢٠٠٧ێ زانکۆیا دهۆک هەماهەنگی و پرۆژێن هەڤپشک دگەل زانکۆیا لوند هەنە و هژمارەکا قوتابیێن خواندنا بلند بۆ تمامکرنا خواندنا خۆ بۆ زانکۆیا لوند هاتینە هنارتن و ماستەر و دکتۆرا وەرگرتینە و مامۆستا هاتینە هنارتن بۆ پشکداریێ د چالاکیێن ئەکادیمی دا تا سالا ٢٠١٥ێ. دیسان هەر ژ سالا ٢٠١٥ێ زانکۆیا دهۆک پرۆژەکێ دی دگەل زانکۆیا لوند دەستپێکریە، ئەوژی کۆرسێن ئۆنلاین یێن  سیستەمێ پێزانینێن جیوگرافی GIS. ئەڤ سەرەدانە ژی بۆ درێژەپێدانێ یە ب ڤێ هەماهەنگیێ و ئەنجامدانا پرۆژێن هەڤپشکێن نوی د ناڤبەرا هەردوو زانکۆیان دا.