كۆلیژا زانستێن مرۆڤایەتی ل زانكۆیا دهۆك ل رۆژا 17/11/2021 رۆژا جیهانی یا سیستەمێ (GIS) پێزانینێن جۆگرافی چەند چالاكیەك گێران، ب ئامادەبوونا، د. لوقمان هادی، هاریكارێ سەرۆكێ زانكۆیێ بۆ كاروبارێن زانستی و خاندنا بلند.
راگرێ كۆلیژا زانستێن مرۆڤایەتی، د. مزگین محمد حەسەن، دیاركر كو وان رۆژا جیهانی یا سیستەمێ پێزانینێن جۆگرافی ساخكر ب چەند چالاكیەكان بۆ قوتابیێن پشكا جۆگرافی، چونكو ئەو ژی بابەتەكە بۆ قوتابیێن قووناغا سیێ دهێتە گۆتن.
ژلایێ خۆڤە، د. لقمان هادی، گۆت" ئەڤ سیستەمە پرۆژەكێ زانستی یە ب سیستەمێ پێزانینێن جۆگرافی ژبۆ پێشڤەبرنا زانكۆیا دهۆك دڤی بواری دا، ل كۆلیژێن زانست، زانستێن مرۆڤایەتی، پلاندانان و چاندنێ ئەڤ سیستەمە دهێتە خاندن، لەوما مە ژی گرنگی ب ڤی سیستەمی دایە ژبۆ قوتابیان، داكو ل پاشەرۆژێ مفای ژێ وەربگرن، و دەرچوویێن مە ل دامودەزگەهێن میری و كەرتێ تایبەت كار ب ڤی سیستەمی بكەن".