ل رۆژا 12/12/2021 لژنەك ژلایێ وەزارەتا خواندنا بلند و ڤەكۆلینێن زانستی یا عیراقێ سەرەدانا زانكۆیا دهۆك كرن و ژلایێ هاریكارێن سەرۆكێ زانكۆیێ ڤە هاتنە پێشوازی كرن.
د. ئەحمەد محەمەد سالح هاریكارێ سەرۆكێ زانكۆیێ بۆ كاروبارێن كارگێری و دارایی گۆت" ئەڤ لژنە ژ پێنج كەسان پێك هاتیە ژ دیوانا وەزارەتا خاندنا بلند یا عیراقی، پتر گرێدایی فەرمانگەها دویفچوونێ یا وەزارەتێ یە، ئێك ژ ئەركێن ڤێ لژنێ لێنێرین و دویفچوونا كۆلیژە و پشك و ئاڤاهیێن زانكۆیێ یە كا د چ ئاست دانە، دیسا مامۆستا و ستافێ زانكۆیێ یێ زانستی و پرۆگرامێ زانكۆیا دهۆك یێ خاندنێ چ ئاست دایە.
د. ئەحمەد محەمەد سالح ئەوژی گۆت "مەبەست ژ هاتنا ڤێ لژنێ ئەوە، وەزارەتا خاندنا بلند یا عیراقی لیستەك یا زانكۆیێن باوەرپێكری ل وێبسایتێ وەزارەتێ دا یێ هەی، هژمارەكا كۆلیژە و پشكێن سەر ب زانكۆیا دهۆك ڤە یێن نوی هەتا نوكە نەچووینە د ڤێ لیستێ دا، چونكو داخاز ژ زانكۆیێ نەهاتبوو كرن ڤێ لیستێ نوی كەنەڤە، ئێك ژدەستكەفتێن ڤێ پرۆسسێ ئەوە كو دەمێ دەرچوویێن زانكۆیا دهۆك قەستا وەلاتێن بیانی دكەن ب مەرەما یەكسانكرنا باوەرنامێ یان وەرگرتنا پەسەندەكێ ژقونسلخانەكا عیراقی ل هەر وەلاتەكی، ئەو جهە دێ داخازێ ژ وەزارەتا خاندنا بلندا عیراقی دكەن ئەگەر كۆلیژێن مە یان پشكێن مە د لیستە و وێبسایتێ وەزارەتێ دا نەبیت ب شێوی نە باوەرپێكری دهێتە حساب كرن.
بو زانین بەری سالا 2014 لیستەك هاتبوو دروست كرن هەمی كۆلیژە و پشكێن زانستی یێن زانكۆیا دهۆك دڤێ لیستێ دا هەبوون، ئەڤە ماوێ سێ رۆژانە ئەڤ شاندە ل زانكۆیا دهۆكن ژبۆ نویكرن و زێدەكرنا ناڤێن كۆلیژە و پشكێن زانكۆیێ بۆ لیستا زانكۆیێن باروەرپێكری یێن عیراقی.