ئەڤرو 16/2/2016 شاندەكێ زانكۆیا LCC international ژ وەلاتێ لیتوانیا سەرەدانا زانكۆیا دهۆك كر، و ژلایێ سەرۆكێ زانكۆیێ ڤە پرۆفیسۆر د. مصلح دهۆكی پێشوازی لێ هاتە كرن.
د كۆمبوونەكێ دا ب ئامادەبوونا د. رەند حمودی رێڤەبەرا پەیوەندییان ل زانكۆیا دهۆك بەحسێ پەیوەندیێن زانكۆیا دهۆك دگەل زانكۆیێن جیهانێ هاتە كرن، هەروەسا شاندێ زانكۆیا ناڤبری بەرهەڤیا خو دیاركر بو گریدانا پەیوەندیان دگەل زانكۆیا دهۆك و د دەمەكێ نێزیك دا دێ ریكەفتنەكا زانستی دگەل زانكۆیا دهۆك ئیمزا كەن.
شاندەكێ زانكۆیا LCC international د ڤێ كومبونێ دا دگەل پرۆفیسۆر د. مصلح دهۆكی سەرۆكێ زانكۆیا دهۆك بەحسێ پروگرامەكێ ب هێزكرنا زمانێ ئینگلیزی ل وەلاتێ جورجییا هاتە كرن كو ژمارەكا قوتابیێن قوناغێن دەسپێكێ یێن كولیژان وەرگرن ب هەڤكاری دگەل زانكۆیا دهۆك كو زانكۆ قوتابیان كاندیت بكەت، دڤی پرۆگرامی دا 150 قوتابی ژ رۆژهەلاتا ناڤەراست دهێنە وەرگرتن.