شاندەكێ رێكخراوا (GIZ) یا ئەلمانی سەرەدانا زانكۆیا دهۆك دان و د گەل سەرۆكێ زانكۆیا دهۆك پرۆفسسۆر د. مسلح دهۆكی كۆمبوونەك ئەنجام دا، ژ بو ئالوگورکرنا رێكێن پێشخستنا پەیوەندیێن دولایەنی كرن هەروەسا بەحسێ وان بەرنامان ژی كرن یێن زانكۆیێ دگەل وان ل دۆر پێشخستنا چاندنێ.
شاندەكێ رێكخراوا (GIZ) یا ئەلمانی كو یێ پێكهاتی بوو ژ (Danija Krieg و Andreas Auer) چەند پێشنیار و میكانزمێن كاری و هەڤكاریێ ل گەل زانكۆیا دهۆك بەحس كرن و ل دۆر وان چالاكیان ئاگەهدار بوون یێن زانكۆیێ ئەنجام داین.
سەرەدانا شاندێ ڤێ رێكخراوا ئەلمانی یا حكومی كو ل رۆژا 29/9 بوو ل زانكۆیا دهۆك د چارچووڤێ وان بزاڤان دا بوو یێن ئەو رێكخراو ئەنجام ددەت بۆ بجهئینانا هندەك پرۆژان و پێشكێش كرنا خزمەتان بو پارێزگەها دهوکێ.