پرۆژێ ئاڤا سۆلینێن کولیژا ئەندازیاری ب دویماهی هات
Aug. 5, 2022, 2:20 p.m.

پرۆژێ ئاڤا سۆلینێن ئاڤێ ل کولیژا ئەندازیاری ل زانکۆیا دهۆک کو ژلایێ رێکخراوا VNG یا هۆلەندی تایێ دهۆک ڤە دهاتە بجهئینان، ب دویماهی هات.

د. جێمس حەسەدۆ حەیدۆ راگرێ کولیژا ئەندازیاری دیارکر "ژ بەرکو سالانە ئاڤەکا زۆر ل ناڤا ئاڤاهیێن کولیژێ ب تایبەتی ل وەرزێ زڤستانێ کۆمدبوو و ئەڤێ چەندێ ژی ئاریشە بۆ قوتابی و مامۆستایان د وەرزێ خواندنێ دا دروست دکر، و ب دویماهی هاتنا ئەڤی پرۆژەی، ئەڤ ئاریشە دێ ب دویماهی هێت و دێ بیتە ئەگەرێ پەیداکرنا ژینگەهەکا باشتر بۆ مامۆستا و قوتابیان".

هەژی ئاماژێ یە د سالا بۆری دا و ژلایێ کەرتێ تایبەت ڤە، پرۆژەکێ دی ل کولیژا ئەندازیاری هاتبوو ئەنجامدان، ئەوژی نویژەنکرنا هۆلا پەرتووکخانا کولیژێ ب رووبەرێ ٤٠٠ میترا، ئەڤەژی د چارچووڤێ سیاسەتا زانکۆیا دهۆک دایە یاکو پشتەڤانیا هەماهەنگیێ دکەت دگەل کەرتێ تایبەت و رێکخراوێن جڤاکێ سڤیل.