جڤاتا زانكۆیا دهۆك ل رۆژا 10/12/2018 ب مەرەما پیرۆزباهی لێكرنێ سەرەدانا هەردوو لقێن شێخان و شنگالێ كرن.
جڤاتا زانكۆیا دهۆك كو پێكهاتیە ژ سەرۆكێ زانكۆیێ پرۆفیسۆر د. مسلح دهۆكی و هاریكارێن سەرۆكێ زانكۆیێ و راگرێن كۆلیژان ل دەستپێكێ سەرەدانا لقا 20 یا پارتی دیموكراتی كوردستان ل شیخان كرن و ژ لایێ بەرێز مەحمود مەحمود ئێزدی ئەندامێ سەركردایەتیا پارتی هاتنە پێشوازی كرن و د روینشتنەكی دا جڤاتا زانكۆیێ پیرۆزباهی ل بەرێز مەحمود مەحمود ئێزدی كرن ب هەلكەفتا وەرگرتنا پۆستێ بەرپرسێ لقا 20 یا شێخان.
د روینشتنەكی دا بەحسێ رەوشا دەڤەرێ ب گشتی و یا خواندنێ ب تایبەتی هاتە كرن و بەرپرسێ لقا 20 خواست پتر ژلایێ خواندنا بلند ڤە پتر گرنگی ب دەڤەرا شێخان بهێتە دان چونكو دەڤەرەكا بەرفرەهە ژ لایێ ئاكنجیان ڤە.
هەر ل هەمان رۆژ جڤاتا زانكۆیا دهۆك سەرەدانا لقا 17 یا شنگالێ ل دهۆكێ كرن و ژلایێ بەرێز قادر قەچاخ ڤە پێشوازی لێ هاتە كرن، د روینشتنەكی دا بەحسێ رەوشا دەڤەرا شنگالێ هاتە كرن ب تایبەت قوتابیێن وێ دەڤەرێ كو زانكۆیا دهۆك پشتی ئاوارە بوونا خەلكێ وێ دەڤەرێ ب هزاران قوتابیێن وان دەڤەران چ وەكو مێڤانداری یان وەكو قوتابیێن زانكۆیێ وەرگرتینە و هندەك ژ وان زانكۆ ب دووماهی ئینایە.