ئەڤرۆ رێکەفتى ٢ـێ گولانێ ٢٠٢٤، ل کۆلیژا زمانان، زانکۆیا دهۆك ب ئامادەبوونا د. ئەبۆعوبەیدە ءەبدوللا زیاب، راگرێ کۆلیژا زمانان و د. مەروان محۆ عەبدی، سەرۆکێ پشکا ئنگلیزی و مامۆستا و قوتابیێن کۆلیژا ناڤبرى، د سمینارەکێ دا ئیمزا ل سەر پەرتووکەکا دیرۆکێ یا ب ناڤێ "دەرسۆکسۆر" یا نڤیسەر سادق سالح هاتە کرن.

نڤیسەر و وەرگێر سادق سالح ل دۆر ئەڤێ پەرتووکێ دياركر، د پەرتووکا "دەرسۆکسۆر" دیرۆک، سەرهاتى، بیرهاتن و نەخۆشیێن کوردان دهێنە نیشاندان، دا کو نڤشێ نوى ئاگەهدارى دیرۆکا خۆ بن و هەردەم دیرۆکا کوردان ل پێش چاڤێن خاندەڤانى زیندى بمینیت.

دهێتە زانین، کو نڤیسەر سادق سالح ل دەستپێکا سالێن ١٩٨٠ـێیان دەست ب نڤیسینێ کریە و ل سالا ٢٠٠٥ـێ ئێکەم پەرتووکا خۆ چاپکریە و هەتا نوکە ٢١ پەرتووک چاپکرینە و ئەڤرۆ ل کۆلیژا زمانان ١٨ جۆرێن پەرتووکێن وى ب سەر ئامادەبوویان هاتنە دابەشکرن.

ئەڤ جۆرە چالاکیە، گرنگیدانا زانکۆیا دهۆک دیاردکەن ب دەولەمەندکرنا هزری و پاراستنا کەلتۆری، و جەختکرن ل سەر رۆلێ سەرەکیێ زانکۆیێ د پەرەپێدانا دیالۆگ و لێکتێگەهشتن و رێزگرتنێ ل جوداهیا هزر و بۆچوونان دا د ناڤ جڤاکی دا.

بۆ داونلۆدکرنا وێنێن ب کوالتیا بلند، ئەڤی لینکێ ل خوارێ کلیک بکە:

https://drive.google.com/drive/folders/1fPEAiwEkZNdT-FnWEoE-gRHpv_-kl66P?usp=drive_link

راگەهاندنا زانکۆیا دهۆک، ٢ـی گولانێ ٢٠٢٤

تەڤژین الیاس و عسمەت خابوور

فۆتۆ: هەرمان جانگیر