ل رۆژا 25/2/2021 رێڤەبەریا خزمەتێن پێزانینان ل زانكۆیا دهۆك كۆمبوونەك ب شێوێ ئونلاین دگەل بەرپرس و نوینەرێن ویبسایتێن كۆلیژان و ب سەرپەرشتیا هارێكارێ سەرۆكێ زانكۆیا دهۆك بۆ كاروبارێن زانستی و خاندنا بلند هاتە ئەنجام دان.
رێڤەبەرێ رێڤەبەریا خزمەتێن پێزانینان ل زانكۆیا دهۆك ئازاد عادل دیاركر كو دڤێ كۆمبوونێ دا بەحسێ ئەلكترۆنی كرنا زانكۆیێ و ئەپدێت كرنا داتایان هاتە كرن، و بەحسێ وێ چەندێ كر كو هەر شەش هەیڤا ئەڤ داتایە ل سەر ویبسایتێن كۆلیژا بهێنە ئەبدێت كرن هەر ژ پرۆفایلێن مامۆستایان و داتایێن كۆلیژان و هەر چالاكیەك هەبیت بهێتە لینك كرن و ل سەر سیستەمی بهێتە بەلاڤ كرن، دوپاتی ژی هاتە كرن كو دڤێت هەر چالاكیەكا بەلاڤ دبیت چ نەبیت ب دوو زمانان بەلاڤ ببیت، كوردی و ئنگلیزی، هەروەسا بابەتێ گوگل سكولەری ژی هاتە بەحس كرن.
دڤێ كۆمبوونێ دا رێڤەبەریا ئای تی و رێڤەبەریا دلنیایی جۆری ژی دبەرهەڤ بوون داكو هەماهەنگی هەبیت دناڤبەرا نوینەرێن ویبسایتان و دلنیایی جۆری.