ل رێکەفتی ١٨ـی كانوونا ئێکێ، ٢٠٢٤، ل سەنتەرێ رەۆشنبیری و چڤاکی ل زانكۆیا دهۆك، دیدارەكا زانستی ل دۆر "بایۆمەتری و ناسناما دیجیتالی" هاتەئەنجامدان، ب ئامادەبوونا د. دلشاد عبدولجبار، هاریکارێ سەرۆکێ زانکۆیێ بۆ کاروبارێن کارگێری و دارایی، و ئەندازیار فەرسەت حسێن سەلیم، سەرپەرشتیارێ تۆمارا بایۆمەتری ل پارێزگەها دهۆکێ، و هاریکارێن راگر و مامۆستا و رێڤەبەرێن یەکەیێن كارگیری ل زانکۆیا دهۆک.

ل دەستپێكێ، د.دلشاد عبدولجبار، هاریکارێ سەرۆکێ زانکۆیێ بۆ کاروبارێن کارگێری و دارایی، دیاركر كوئارمانج ژ ڤێ دیدارێ هاندان و نیشاندانا دۆماهی زانیاریانە ل دۆر رەوشا دیجیتالکرنا ئەلیکترۆنی ل هەمی دامودەزگەهێن پارێزگەها دهۆک ب تایبەت زانکۆیا دهۆک، ژلایێ کارگێری و ژمێریاریڤە، هەروەسا، راگەهاندنا وێ دید وبۆچوونا سەرۆکێ حکۆمەتێ یە کو بریارە تا سالا ٢٠٢٦ـێ هەمی دامودەزگەهێن میری بهێنە دیجیتالکرن.

ل دویڤ دا، ئەندازیار فەرسەت حسێن سەلیم، سەرپەرشتیارێ تۆمارا بایۆمەتری ل پارێزگەها دهۆکێ ،باس ل دۆماهیک ئامار و زانیاریێن تایبەت ب پروسێسا بایۆمەتری و دیجیتالکرنا هەمی دامودەزگەهێن میری ل هەرێما کوردستانێ و ب تایبەت پارێزگەها دهۆکێ کر. دیاركر ژی: "ئەم یێ بەرەڤ قۆناغا دیجیتالکرنا ئەلیکترونی ڤە دچین و بریارە هەرکەسەکێ ل کوردستانێ بژیت و کار بکەت بهێتە تۆمارکرن دڤی سیستەمی دا."

و ل دۆماهیا ڤێ دیدارێ، و پشتی پەیڤداران نامێن خو گەهاندینە ئامادەبوویان، دانوستاندنێن چالاك د ناڤبەرا ئامادەبوویان دا ب رێڤەچوون.

راگەهاندنا زانكۆیا دهۆك، ١٨ـی كانوونا ئێکێ، ٢٠٢٤

نيبارێ حاجی

فۆتۆ: مەحەمەد عەبدولكەریم